20 і 21 снежня на Бялыніччыне прайшла абласная нарада дырэктараў цэнтралізаваных клубных сістэм, гарадскіх дамоў культуры, палацаў культуры і мастацтваў

Удзельнікі яе пазнаёміліся з вопытам работы цэнтраў і дамоў культуры Вішоўскага,  Ланькаўскага, Свяцілавіцкага і Цяхцінскага сельсаветаў, а таксама Цэнтральнай клубнай сістэмы раёна. На мерапрыемстве была прэзентавана выстава вырабаў дэкаратыўна-ўжытковага мастацтва майстроў і рамеснікаў, метадычных матэрыялаў па традыцыйнай культуры, фота- і відэавыставы. Таксама прайшоў круглы стол на тэму: “Развіццё народнай творчасці: кіраўніцкі аспект”.

Вынікі Года культуры былі падведзены падчас урачыстага мерапрыемства ў раённым Цэнтры культуры, на якім лепшыя артысты Бялыніччыны парадавалі гледачоў сваімі канцэртнымі нумарамі.

rck3 rck1 babki

Адыходзячы год з’явіўся сапраўды плённым для культурнага жыцця раёна. На яго працягу быў рэалізаваны шэраг творчых праектаў: “Бялыніцкая тэатральная восень”, якая аб’яднала ўсе тэатральныя драматычныя калектывы клубнай сістэмы раёна, “Палітра Бялыніцкага края”, “Народныя святы і абрады” і іншыя. Стартавалі праекты для працоўнай моладзі “Міс Бялынічы” і “Містар Бялынічы”, конкурсная шоу-праграма “На вылет”. Таксама вельмі значнай падзеяй з’явілася падпісанне пагаднення аб супрацоўніцтве паміж Магілёўскай і Курскай абласцямі, у рамках якога былі ўстаноўлены пабрацімскія адносіны паміж Бялынічамі і Рыльскам. Творчыя калектывы нашага раёна і Рыльска наведалі пабрацімскія рэгіёны і выступілі з сумеснымі канцэртамі.

— Сёння мы назіралі суквецце талентаў Бялыніцкай зямлі. Менавіта тут карпаратыўная супольнасць супрацоўнікаў культуры Магілёўшчыны завяршае Год культуры, — адзначыў ганаровы госць мерапрыемства, член Рэспубліканскага савета па справах культуры і мастацтваў пры Савеце Міністраў Беларусі, дырэктар абласнога цэнтра народнай творчасці і культурна-асветніцкай работы Алег ХМЯЛЬКОЎ. — На працягу гэтага года кожны куточак вобласці мог прадэманстраваць сваё майстэрства ў праекце “Фестываль народных талентаў Магілёўшчыны”.

Аксана ПЛЕСКАНЁВА.

Фота Вольгі ГОЛЬЦАВАЙ і Кацярыны ЖУКАВАЙ.

Print Friendly, PDF & Email

Добавить комментарий

Ваш e-mail не будет опубликован. Обязательные поля помечены *