Чарговае парушэнне заканадаўства

Камітэтам дзяржкантролю Магілёўскай вобласці праведзена праверка ТАА “АСІПОВІЧЫГАЗБУД”, у ходзе якой выяўлены шэраг парушэнняў заканадаўства.

Устаноўлена, што таварыствам выконваліся будаўніча-мантажныя работы па добраўпарадкаванні тэрыторый на аб’ектах трэцяга і чацвёртага класаў складанасці без атэстата адпаведнасці і пацверджання іх адпаведнасці істотным патрабаванням бяспекі тэхнічнага рэгламенту Рэспублікі Беларусь.

На аб’ектах будаўніцтва каналізацыі і газіфікацыі прыродным газам жыллёвага фонду выяўлены завышэнні кошту работ на агульную суму 16 тыс. рублёў.

Акрамя таго, у 2015-2016 гг. дапушчаны парушэнні заканадаўства аб абыходжанні з адходамі, статыстычнай справаздачнасці, заключэнні грамадзянска-прававых дагавораў, а таксама парадку правядзення і кантролю знешнегандлёвых аперацый, адзінства вымярэнняў.

Па выніках праверкі таварыства і яго службовыя асобы аштрафаваны на 13,5 тыс. рублёў. Прыняцце мер па ліквідацыі выяўленых парушэнняў і недапушчэнні іх у далейшым застаецца на кантролі Камітэта.

Алег САДОЎСКІ,

старшыня Камітэта дзяржкантролю

Магілёўскай вобласці.

 

Print Friendly, PDF & Email

Добавить комментарий

Ваш адрес email не будет опубликован. Обязательные поля помечены *