Беражыце сваю маёмасць

У цяперашні час на тэрыторыі нашага раёна абвастрылася сітуацыя захаванасці маёмасці, якую грамадзяне пакідаюць без нагляду ў грамадскіх месцах. За мінулы перыяд 2018 года часцей за ўсё адзначаюцца крадзяжы веласіпедаў.

Грамадзяне па асабістай нядбайнасці і няўважлівасці пакідаюць без нагляду свае веласіпеды каля магазінаў, пад’ездаў шматкватэрных дамоў, на лесвічных пляцоўках і ў іншых адкрытых месцах. Веласіпедныя замкі, як правіла, яны не выкарыстоўваюць. Такія абставіны спрыяюць крадзяжам двухколавага транспарту.

Для таго, каб не стаць   ахвярай злачынства, неабходна выконваць наступныя меры засцярогі:

— захоўвайце дакументы аб пакупцы веласіпеда;

— не пакідайце яго ў месцах агульнага карыстання без нагляду;

— калі вы ўсё ж пакідаеце веласіпед у грамадскім месцы, прышпіліце яго замком да велапаркоўкі;

— пакідайце ў месцах, дзе ўстаноўлена сістэма відэаназірання;

— не давайце незнаёмым людзям карыстацца вашым веласіпедам.

Звяртаем вашу ўвагу, што пры выяўленні безгаспадарчых веласіпедаў, неабходна забяспечыць іх захаванасць, прыняць меры па ўстанаўленні іх уладальнікаў, а таксама паведаміць у РАУС.

У выпадку прысваення знойдзенай маёмасці прадугледжана адказнасць па арт. 205 КК РБ (крадзёж) у выглядзе грамадскіх работ, штрафу, папраўчых работ на тэрмін да двух гадоў, арышту на тэрмін да трох месяцаў, абмежавання волі – да трох гадоў або пазбаўлення яе на такі ж тэрмін.

Аляксандр

БАЛДЫШЭЎСКІ,

начальнік аддзялення крымінальнага вышуку РАУС.

Print Friendly, PDF & Email

Добавить комментарий

Ваш e-mail не будет опубликован. Обязательные поля помечены *