Першых “тысячнікаў” вітаюць у Вішове

Першыя “тысячнікі” СВК “Калгас “Радзіма” і Бялыніччыны (справа налева) Валянцін Якушаў, Мікалай Дарэчкін, Віктар ВАСІЛЬЕЎ, Юрый ЗАЙЦАЎ, Ігар ШЧОЛУХАЎ, Васіль ЛЯНЬКОЎ, Аляксандр МІТКЕВІЧ і Уладзімір СТАРАВОЙТАЎ.

Чатыры экіпажы камбайнаў “Нью Холланд”  СВК “Калгас “Радзіма” першымі ў раёне запісалі на свае асабістыя рахункі па тысячы тон намалочанага збожжа. Дружныя тандэмы, якія склаліся шмат сезонаў таму назад, пачуццё локця і сяброўская ўзаемападтрымка, – вось галоўныя складнікі іх працоўных дасягненняў.

Заслужаны работнік сельскай гаспадаркі Беларусі Мікалай ДАРЭЧКІН і яго памочнік Валянцін ЯКУШАЎ у чацвер намалацілі 1015,9  тоны зерня і сталі першымі ў раёне і трэцімі ў вобласці, хто перасягнуў тысячны рубеж з пачатку жніва 2018 года.

Гэты рубеж па намалоце зерня пераадолелі яшчэ тры экіпажы СВК “Калгас “Радзіма”.

                                 Тэкст і фота

                                 Святланы МАГІЛЕЎЧЫК.

                                   svetlanos80@mail.ru