Экскурсія ў 72-і гвардзейскі аб’яднаны вучэбны цэнтр падрыхтоўкі прапаршчыкаў і малодшых спецыялістаў

У пачатку жніўня ваенным камісарыятам для выхаванцаў ваенна-патрыятычнага лагера “Патрыёт” была арганізавана азнаямляльная паездка ў 72-і гвардзейскі аб’яднаны вучэбны цэнтр падрыхтоўкі прапаршчыкаў і малодшых спецыялістаў.

Безимени-1

Хлопцы ў першы раз наведвалі вайсковую часць, таму паездка для іх была займальнай і цікавай. У ходзе экскурсіі падлеткі маглі назіраць, як абаронцы Айчыны выконваюць свой воінскі абавязак, пазнаёміліся з бытам ваеннаслужачых, стралковай зброяй, апрабавалі вучэбныя трэнажоры ваеннай і спецыяльнай тэхнікі.

печи1

У паездцы рабят суправаджалі афіцэр ваеннага камісарыята Максім ЗАЙЦАЎ і начальнік ваенна-патрыятычнага лагера “Патрыёт” Вольга АЎСЯНІКАВА.

Такія экскурсіі, несумненна, прыносяць свае станоўчыя вынікі. Хлопцы пераадолелі свой унутраны страх перад службай у арміі, а некаторыя нават выказалі жаданне звязаць свой далейшы лёс з беларускім войскам.

—  Мне вельмі спадабалася экскурсія, было цікава і пазнавальна, цяпер хачу стаць ваенным, — сказаў Арцём КОТАЎ.

На наступны дзень выхаванцы лагера “Патрыёт” наведалі РАУС. Для іх правёў экскурсію першы намеснік начальніка РАУС Аляксандр ДРАЗДОЎ. Хлопцы таксама атрымалі магчымасць пастраляць з пнеўматычнай зброі. Напрыканцы для іх быў паказаны прафілактычны фільм.

Дзмітрый ЦІХАНАЎ.

                     Фота з архіва

                     МЦ “Ветразь”.

 

Print Friendly, PDF & Email

Добавить комментарий

Ваш адрес email не будет опубликован. Обязательные поля помечены *