Праверылі УВКП “Быхаўрайводаканал”

Больш за 430 тыс. рублёў будзе вернута ў бюджэт па выніках праверкі Камітэтам дзяржкантролю дзейнасці УВКП “Быхаўрайводаканал”. Як устанавілі кантралёры, субсідыі на гэту суму былі атрыманы прадпрыемствам незаконна.

Акрамя таго, выяўлена неабгрунтаванае завышэнне водаканалам у 2016-2017 гг. тарыфаў для юрыдычных асоб за аказаныя ім паслугі па водазабеспячэнні і водаадвядзенні на агульную суму больш за 115 тыс. рублёў, а таксама парушэнні парадку ўліку падземных і сцёкавых вод, якія скідваюцца.

Па выніках праверкі незаконна атрыманая выручка вернута спажыўцам, да адміністрацыйнай адказнасці прыцягнута прадпрыемства і 5 яго службовых асоб на агульную суму больш за 140 тыс. рублёў, 3 працаўнікі пакараны дысцыплінарна.

                                 Аляксей ІГЛІКАЎ,

                                 намеснік старшыні Камітэта

                                   дзяржкантролю Магілёўскай вобласці.