Моладзь за бяспеку

На тэрыторыі нашага раёна 24 верасня стартавала рэспубліканская акцыя “Моладзь за бяспеку”. Яна прымеркавана да даты ўтварэння Беларускай маладзёжнай грамадскай арганізацыі ратавальнікаў-пажарных і накіравана на папулярызацыю прафесіі выратавальніка.

Безимени-1

Акцыя пройдзе ў тры этапы і працягнецца да 12 кастрычніка.

З 24 верасня па 2 кастрычніка ратавальнікі разам з актывістамі БМГАРП наведаюць шматдзетныя сем’і, ветэранаў Вялікай Айчыннай вайны, адзінокіх пенсіянераў і інвалідаў. Паразмаўляюць з імі, дапамогуць вырашыць бытавыя пытанні, калі такія будуць.

З 3 па 10 кастрычніка ў агульнаадукацыйных установах рабяты бліжэй пазнаёмяць аднагодкаў з грамадскай арганізацыяй, раскажуць пра сваю дзейнасць, а прадстаўнікі РАНС правядуць вучэбныя заняткі.

На заключным этапе, 11-12 кастрычніка, пройдуць масавыя мерапрыемствы, дзе ўдзельнікаў будуць чакаць конкурсы, віктарыны і падарункі за перамогу ў іх.

Летапіс руху юных пажарных вядзецца з 30-х гадоў мінулага стагоддзя. А БМГАРП была заснавана 14 кастрычніка 2001 года.

Арганізацыя створана для грамадзянскага і патрыятычнага выхавання, навучання падрастаючага пакалення бяспецы жыццядзейнасці, папулярызацыі прафесіі ратавальніка-пажарнага, прыцягнення моладзі да аховы навакольнага асяроддзя, раскрыцця творчых здольнасцей маладога пакалення, дабрачыннай дзейнасці.

IMG_20180928_110404

IMG_20180928_104930

IMG_20180928_102335 (1)

                             Кацярына ЛЮБІВАЯ,

                             інспектар ГПіУГ РАНС.

 

Print Friendly, PDF & Email

Добавить комментарий

Ваш e-mail не будет опубликован. Обязательные поля помечены *