Дарога патрабуе ўважлівасці

Няўважлівасць вадзіцеляў да стану сваіх транспартных сродкаў і дарожнай абстаноўкі, а таксама залішняя самаўпэўненасць прыводзяць да не зусім прыемных наступстваў.

12 кастрычніка жыхар Дрыбінскага раёна ехаў па аўтадарозе “Мінск-Магілёў”. Стомлены вадзіцель заснуў і сутыкнуўся з транспартным сродкам, які рухаўся ў спадарожным накірунку. Абодва аўтамабілі атрымалі механічныя пашкоджанні. Па факце ДТЗ праводзіцца праверка.

Раніцай 14 кастрычніка аварыя адбылася на  аўтадарозе “Талачын-Круглае-Вішоў”. Вадзіцель “Форда Гэлаксі” абганяў грузавік і сутыкнуўся з аўтамабілем “Фальксваген Пасат”, які рухаўся насустрач.

У выніку ДТЗ “Форд” з’ехаў у кювет і перакуліўся. 26-гадовы пасажыр аўто атрымаў шматлікія траўмы і быў шпіталізаваны. Варта дадаць, што бачнасць аўтадарогі ў той дзень была абмежавана моцным туманам. Па факце ДТЗ праводзіцца праверка.

                                            Максім КУНДАЛЕЎ,

                                               начальнік АДАІ РАУС.