Не пракуры сваё жыццё!

Асноўнай прычынай узнікнення пажараў і гібелі на іх людзей па-ранейшаму застаецца неасцярожнае абыходжанне з агнём. Па статыстыцы, больш за 80 працэнтаў загінулых падчас пажараў знаходзілася ў стане алкагольнага ап’янення.

Па 30 лістапада бягучага года ў нашай краіне праходзіць рэспубліканская акцыя “Не прапальвай сваё жыццё!”. Яе мэта – папярэджанне пажараў і гібелі людзей ад іх па прычыне неасцярожнага абыходжання з агнём пры курэнні.

У рамках акцыі актывісты Беларускай маладзёжнай грамадскай арганізацыі ратавальнікаў-пажарных і супрацоўнікі МНС праводзяць прафілактычныя гутаркі ў месцах масавага збору людзей, установах адукацыі з раздачай лістовак-памятак.  У працоўных калектывах запланаваны лекцыі-гутаркі па захаванні правіл пажарнай бяспекі.

Будзьце ўважлівыя ў пытаннях уласнай бяспекі і праявіце клопат да тых, хто знаходзіцца побач, – суседзяў, сваякоў, знаёмых. Бо людзі, якія злоўжываюць спіртным і кураць у ложку ў стане алкагольнага ап’янення, ставяць пад пагрозу не толькі сябе, але і навакольных. Магчыма, ваша неабыякавасць выратуе каму-небудзь жыццё.

            Кацярына ЛЮБІВАЯ,

            інспектар ГПіУГ РАНС.