Праверылі Кадзінскі сельвыканкам

Праведзеная Камітэтам дзяржкантролю Магілёўскай вобласці праверка Кадзінскага сельвыканкама Магілёўскага раёна выявіла шматлікія парушэнні заканадаўства.

Кантралёры ўстанавілі 75 выпадкаў невыканання грамадзянамі ўмоў прадастаўлення ім зямельных участкаў, у 18 яны іх нават не занялі, у 57 – парушылі тэрміны будаўніцтва жылых дамоў. Пры гэтым сельвыканкамам меры рэагавання па “даўгабудах” не прымаліся.

Некаторыя ўмудрыліся пабудаваць жыллё з дзяржпадтрымкай у абласным цэнтры і атрымаць для гэтых жа мэт зямельныя ўчасткі без удзелу ў аўкцыёне.

Таксама выяўлены парушэнні пры фарміраванні пераліку свабодных (незанятых) зямельных участкаў, незабеспячэнне належнага парадку на землях агульнага выкарыстання.

Матэрыялы праверкі накіраваны ў праваахоўныя органы, мясцовым органам улады ўнесены прапановы па ліквідацыі парушэнняў,                 2 службовыя асобы сельвыканкама прыцягнуты да                 адміністрацыйнай адказнасці.

Аляксей ІГЛІКАЎ,

намеснік старшыні

Камітэта дзяржкантролю  

Магілёўскай вобласці.

Print Friendly, PDF & Email