Узнялі настрой напярэдадні свята

У рамках трэцяга этапа рэспубліканскай акцыі МНСБяспечны Новы годратавальнікі арганізавалі прафілактычную сустрэчу з пацыентамі дзіцячага аддзялення ЦРБ.

У ёй прынялі ўдзел хлопчыкі і дзяўчынкі, якія знаходзіліся на стацыянарным лячэнні.

Напярэдадні Новага года інспектар ГПіУГ РАНС Кацярына ЛЮБІВАЯ нагадала непаўналетнім, што без дазволу і прысутнасці бацькоў катэгарычна забараняецца самастойна запускаць салют і піратэхніку, таму што гэта вельмі небяспечна. Нягледзячы на тое, што піратэхнічныя вырабы прадаюць асобам, якія дасягнулі пятнаццаці гадоў, запускаць салюты і запальваць піратэхніку можна толькі паўналетнім.

– Памятайце, у адваротным выпадку за вас будуць несці адказнасць вашы бацькі, – звярнула ўвагу прысутных інспектар РАНС і прывяла некалькі падобных прыкладаў.

З-за таго, што на вуліцы ўсталявалася халоднае надвор’е, а значыць, з’явілася рызыка абмаражэння, інспектар паўтарыла з дзецьмі, як абараніць сябе ад марозу.

У гульнёвай форме рабяты адказвалі на розныя пытанні, з задавальненнем удзельнічалі ў конкурсах. За правільныя адказы і перамогу дзеці атрымлівалі падарункі ад МНС і РК ГА “БРСМ”: прысмакі, кубкі з сімволікай, канцылярскія прыналежнасці, размалёўкі, наклейкі, кніжкі і іншыя.

Марыя ШУТ.

Фота аўтара.

Print Friendly, PDF & Email