З дарогай жарты дрэныя

Адсутнасць уважлівасці і максімальнай сканцэнтраванасці падчас дарожнага руху заўсёды прыводзяць да непрыемных здарэнняў.

31 сакавіка жыхар аграгарадка Ланькаў нападпітку кіраваў матаблокам. Адолены “зялёным зміем”, ён страціў уважлівасць і сутыкнуўся з прыпаркаваным на ўзбочыне дарогі аўтамабілем “Рэно”. З месца здарэння кіроўца сельгасагрэгата скрыўся, але супрацоўнікі АДАІ РАУС хутка адшукалі яго. Па факце ДТЗ праводзіцца разбіральніцтва.

1 красавіка а чацвёртай гадзіне раніцы вадзіцель аўтамабіля “Міцубісі” рухаўся па аўтадарозе Мінск-Магілёў. Нечакана на дарогу выйшаў лось. Кіроўца не паспеў адрэагаваць і наехаў на яго. У выніку здарэння аўтамабілю прычынены шматлікія механічныя пашкоджанні. АДАІ РАУС праводзіць праверку.

                                                 Аляксандр ЕМЯЛЬЯНАЎ,

            інспектар АДАІ РАУС.

Print Friendly, PDF & Email