Темы

З сытным абедам і праца спорыцца

Спрыяльныя ўмовы надвор’я далі старт ранняй веснавой пасяўной кампаніі. Для механізатараў пачалася гарачая пара, і кожная хвіліна ў іх зараз на ўліку, таму перапынак у напружаным працоўным дні можна зрабіць толькі на гарачы абед, які, як правіла, дастаўляюць прама ў поле.

Якім чынам арганізавана сістэма харчавання ў СВК “Калгас “Радзіма”, расказалі журналісту райгазеты “Зара над Друццю” ў калгаснай сталовай.

На гадзінніку 9.30. Перад будынкам пункта харчавання напагатове ўжо тры аўтамабілі.

Загадчыца калгаснай сталовай Тамара ФРАЛОВА распавядае, што з 10 да 12 у гаспадарцы абед, а гэта значыць, ужо ў 9.45 гарачае харчаванне трэба адправіць у поле. Работнікі сталовай гэта ведаюць – працуюць тут не першы год, таму ў кухараў Алены ПЛАТАНЕНКА і Валерыя ЦЫГАНКОВА ўсё гатова. Яны строга прытрымліваюцца расклада, і пасля адпраўкі ў поле абеду, прымаюцца за прыгатаванне вячэры, якую механізатары гаспадаркі будуць атрымліваць з 15 да 17 гадзін.

– Сёння на абед боршч, рысавая каша, каўбаскі па-магілёўску і гуляш, – зачытвае меню Тамара Іванаўна. – Стараемся, каб стравы не паўтараліся. На працягу тыдня першае заўсёды рознае, другую страву стараемся прыгатаваць двух відаў, каб у механізатараў быў выбар. За трыццаць пяць гадоў працы ведаю практычна кожнага: хто і чаму аддае перавагу ў ежы. Гэта ўлічваем, калі складаем меню, бо без другой стравы механізатару ў полі цяжка пратрымацца ўвесь дзень. А што за праца на галодны страўнік? Таму падладжваемся пад кожны запыт.

У дзень прыезду журналіста абед у сталовай гатавалі на 140 чалавек. Харчуюцца ўсе механізатары, занятыя ў полі, работнікі будаўнічай брыгады і працаёмкіх працэсаў. А чаму б і не, калі за двухразовае харчаванне на працягу месяца з зарплаты вылічваюць сімвалічную цану – не больш за дваццаць рублёў. Дома за такія грошы ўсю сям’ю хіба што адзін раз можна накарміць.

Па словах Тамары Фраловай, сёння 80 порцый адвязуць на поле, “гаспадары” астатніх будуць абедаць у сталоўцы, якая, дарэчы, у сельгаскааператыве прасторная і ўтульная.

 – Добраўпарадкаванню залы прыёму ежы таксама надаем асаблівую ўвагу, каб нашым работнікам было прыемна тут знаходзіцца, – адзначае загадчыца сталовай. – Таму ў ёй ёсць усё неабходнае.

На сталах засланы прыгожыя абрусы, акуратна расстаўлены сурвэткі. Падваконні ўпрыгожаны разнастайнымі кветкамі. А каб час прыёму ежы не паказаўся сумным, нядаўна там устанавілі музычны цэнтр.

Усё гэта, як адзначыла Тамара Фралова, – заслуга кіраўніцтва сельгаскааператыва, якое заўсёды падтрымлівае яе ідэі.

– Любое рабочае пытанне заўсёды вырашаецца хутка і не застаецца па-за ўвагай, – дадае яна. – Таму і ўмовы працы ўсіх задавальняюць.

У сувязі з гэтым знайшоў сваё месца ў калектыве калгаснай сталовай і Валерый Цыганкоў. Тры гады малады повар “чаруе” над стравамі. У Вішоў прыехаў разам з жонкай, якая па размеркаванні адправілася працаваць у мясцовую СШ.

– Нам не хапала на кухні мужчынскіх рук, – гаворыць Тамара Фралова. – Валерый стаў для нас сапраўднай знаходкай. Усю працу, якая патрабуе значнай фізічнай сілы, ён робіць. Хутка ўліўся ў калектыў, працуем зладжана, дапамагаем адзін аднаму.

Пакуль загадчыца сталовай распавяла пра ўсе “сакрэты”, машыны былі загружаны абедамі.

– Тры аўтамабілі працуюць на дастаўцы пастаянна, чацвёрты выдзяляецца дадаткова, калі ёсць у гэтым патрэба, – тлумачаць работнікі сталовай.

Разам з вадзіцелямі адпраўляюцца ў дарогу і раздатчыцы абедаў Ірына ГРЫШЫНА і Надзея ІВАНОВА. Іх ужо чакаюць на палетках механізатары, якія з сямі гадзін раніцы паспелі “зарабіць” апетыт.

Рэдакцыйная машына адпраўляецца ўслед за адным з аўтамабіляў, які накіроўваецца да поля каля вёскі Лічынка.

За працай механізатары Ігар ШЧОЛУХАЎ і Аляксандр КУЗЬМЯНКОЎ. Убачыўшы машыну з абедам, хутка прыпыняюць працу і падыходзяць да Ірыны Мікалаеўны за сваімі порцыямі. На пытанне, ці смачна, адказваюць: “Як у рэстаране”. Сапраўды, гарачая ежа пасля столькіх гадзін працы, яшчэ і на свежым паветры…

– Водгукі толькі станоўчыя, – усміхаецца Ірына Грышына. – Люблю сваю работу за тое, што назад вяртаюся з пустымі тэрмасамі і словамі падзякі.

Дый як можа быць інакш, калі работнікі сталовай укладаюць у прыгатаваныя стравы не толькі патрэбныя прадукты, але і часцінку сваёй душы. Адно з пацверджанняў гэтаму – Дыплом  ІІ ступені і грашовы сертыфікат Магілёўскага абкама прафсаюза работнікаў АПК, якія былі ўручаны калектыву сталовай падчас правядзення абласнога свята “Дажынкі-2018” за якаснае і своечасовае забеспячэнне хлебаробаў гарачым харчаваннем.

Марыя ШУТ.

Фота аўтара.

 

Последние новости

Официально

ФСЗН разъяснил о праве на пособия в повышенном размере – только при фактическом проживании  на территории  радиоактивного загрязнения

29 марта 2024
Общество

Прокурор Белыничского района рассказал об изменениях в законодательстве о государственных закупках

28 марта 2024
Выборы 2024

ЦИК Беларуси зарегистрировал кандидатами в члены Совета Республики 56 человек

28 марта 2024
Новости Беларуси

Минприроды предлагает 30 марта принять участие в международной экологической акции “Час Земли”

28 марта 2024
Новости района

Соревнования по мини-футболу в рамках проекта «Мой школьный футбольный клуб» прошли на базе СШ №2

27 марта 2024
Новости Беларуси

Размер суточных для служебных командировок в пределах Беларуси повышается до 12 рублей в сутки

26 марта 2024
Всебелорусское народное собрание

Ирина Фурсова и Николай Даречкин выдвинуты кандидатами в делегаты Всебелорусского народного собрания

26 марта 2024
Новости района

Белыничанин Никита Калистратов стал победителем Гранд-финала 13-го сезона проекта «100 идей для Беларуси»

25 марта 2024
Главное

Резервов предостаточно. Александр Лукашенко видит серьезный потенциал для роста товарооборота с Омской областью России

25 марта 2024
Актуально

В Белыничском райобъединении профсоюзов пройдет приём граждан

25 марта 2024

Рекомендуем

Выборы 2024

Алексей Кушнаренко выдвинут кандидатом в члены Совета Республики

18 марта 2024
Новости района

Широко и весело прошли масленичные гулянья в агрогородке Вишов

16 марта 2024
Актуально

Группа по гражданству и миграции проведет выездной прием граждан

18 марта 2024
Главное

Митинг-реквием, посвященный Дню памяти сожженных деревень, прошел на мемориальном комплексе «Стефаново»

21 марта 2024
Новости района

В Белыничском районе проходит день информирования

21 марта 2024
Новости района

В Белыничском лесхозе прошел республиканский пресс-тур по подготовке системы лесного хозяйства района к пожароопасному периоду

21 марта 2024
Главное

Александр Лукашенко вручил госнаграды депутатам и сенаторам

21 марта 2024
Главное

На связи Байконур. Лукашенко проводит встречу с космонавтами Новицким и Василевской

19 марта 2024