У раёне прайшоў першы этап рэспубліканскай акцыі “Не пакідайце дзяцей адных”
У раёне прайшоў першы этап рэспубліканскай акцыі “Не пакідайце дзяцей адных”. Да яе далучыліся вучні СШ № 1 і іх бацькі, супрацоўнікі РАНС і “ОСВОД”.
Цікавыя гульні, віктарыны і конкурсы чакалі рабят у фае школы. У гульнёвай форме аб правілах бяспечных паводзін у надзвычайных сітуацыях дзецям распавялі інспектар ГПіУГ РАНС Кацярына ЛЮБІВАЯ і старшы матрос-ратавальнік Ганна ДАРАШКЕВІЧ.
Школьнікі актыўна ўдзельнічалі ў гульнях і конкурсах: вучыліся правільна выклікаць ратавальнікаў, гулялі ў “Крыжыкі-нулікі” на тэму ратавання, у настольную гульню, якая таксама нагадвала рабятам, як правільна паводзіць сябе ў бядзе, прадэманстравалі свае веды – адказвалі на пытанні спецыялістаў.
– Акцыя стартавала 11 мая, і першы этап яе прымеркаваны да Міжнароднага дня сям’і, – распавяла Кацярына Любівая. – Сёння рабяты ўзнавілі свае веды аб бяспечных паводзінах, а таксама даведаліся аб некаторых нюансах ратавання, напрыклад, аб знаках у памяшканні, якія падказваюць правільныя дзеянні пры здарэнні, дапамагаюць арыентавацца ў людской плыні пры эвакуацыі. Праводзіць мерапрыемства дапамагалі актывісты раённага аддзялення Беларускай маладзёжнай грамадскай арганізацыі ратавальнікаў-пажарных.
Напрыканцы мерапрыемства самыя актыўныя рабяты атрымалі падарункі ад РАНС.
Алена БЫКАВА.
Фота аўтара.