Як абараніць свайго чатырохколавага сябра?

Усяго ў Беларусі зарэгістравана больш за 4 млн транспартных сродкаў, колькасць якіх за апошнія 5 гадоў вырасла амаль на 17%.

На жаль, павялічваецца і колькасць злачынстваў, звязаных з крадзяжамі і ўгонамі транспартных сродкаў. Яшчэ больш крадзяжоў робіцца з аўтамабіляў, а іх аўтазапчасткі “лідзіруюць” у якасці прадмета злачыннага замаху і з’яўляюцца нават больш распаўсюджаным прадметам крадзяжоў, чым грошы і мабільныя тэлефоны. Часцей крадуць і ўганяюць аўтамашыны, “узростам” больш за 15-18 гадоў (каля 70%), што ў асноўным звязана з дэфіцытам запчастак на такія аўтамабілі. 

Таксама нярэдкія выпадкі, калі прыпаркаваныя аўтамашыны атрымліваюць пашкоджанні ў выніку хуліганскіх дзеянняў. Распаўсюджанасць усіх гэтых злачынстваў напрамую звязана з недахопам месцаў на ахоўваемых аўтастаянках альбо іх аддаленасці ад месцажыхарства аўтаўладальнікаў. У выніку, значную колькасць аўтамашын уладальнікі пакідаюць у дварах шматпавярховых дамоў. Каб сберагчы свае аўтамабілі ўладальнікам іх трэба: арганізаваць у дварах вартавую ахову ці абарону ўласнасці самімі жыхарамі; устанавіць шлагбаўмы, сістэму відэаназірання, агароджу.

Аляксандр КРОЛ,
інспектар па ДР ААПП РАУС.

 

Print Friendly, PDF & Email