Выявілі парушэнні заканадаўства
На пасяджэнні калегіі Камітэта дзяржкантролю Магілёўскай вобласці разгледжаны вынікі кантролю за выкананнем у Магілёве заканадаўства аб абыходжанні з свойскай жывёлай.
Паводле ацэнкі Камітэта, у гэтай сферы маецца шэраг сур’ёзных недаглядаў і недахопаў. У іх ліку: незабеспячэнне многімі ўладальнікамі сабак іх рэгістрацыі ў ЖЭА і, адпаведна, выплаты падатку за валоданне імі (штогод бюджэт недаатрымлівае парадка 70-100 тыс. рублёў); масавыя парушэнні ўладальнікамі свойскай жывёлы правілаў яе ўтрымання (выгул сабак без павадкоў і наморднікаў, у неўстаноўленых месцах, забруджанне навакольнага асяроддзя, знаходжанне з імі ў гандлёвых аб’ектах, на дзіцячых пляцоўках і інш.); неналежнае ўтрыманне і недастатковая колькасць месцаў для выгулу сабак; недастатковая прафілактыка правапарушэнняў у сферы абыходжання з свойскай жывёлай; неналежнае ўзаемадзеянне зацікаўленых служб горада з мэтай кантролю за выкананнем грамадзянамі правілаў утрымання свойскай жывёлы; непрыняцце належных мер па адлове безнагляднай жывёлы; недасканаласць асобных норм заканадаўства ў сферы абыходжання з свойскай жывёлай.
Юрый ФРАЛОЎ,
першы намеснік старшыні Камітэта
дзяржкантролю Магілёўскай вобласці.