З’явіўся з павіннай

У ліпені 2019 года ў райаддзел міліцыі патэлефанаваў мужчына і паведаміў аб крадзяжы са свайго дачнага ўчастка.

Праваахоўнікі разабраліся ў тонкасцях гэтай справы. Жыхар вёскі Дабрылавічы С. вырашыў пагаспадарыць на суседняй дачы пакуль яе ўладальнікі знаходзіліся ў Мінску. Ён зняў з агароджы сетку рабіцу, якую сам жа ўстанаўліваў па просьбе суседзяў, і з лёгкасцю пранік на  тэрыторыю лецішча. Скраў дарожны веласіпед, каркас металічнага ложка, газавую пліту, металічную скрынку і ўмывальнік. Пазней ён здаў усё скрадзенае прыёмшчыкам металічнага лому, а за атрыманыя грошы купіў прадукты харчавання і цыгарэты. Сваімі дзеяннямі зламыснік нанёс шкоду на 257,40 рубля, што на момант крадзяжу склала 10,50 базавай велічыні.

Змякчальнымі абставінамі сталі яўка С. з павіннай у міліцыю і чыстасардэчнае раскаянне.

Раённы суд прызначыў мужчыну пакаранне па арт. 205 ч 1 КК РБ у выглядзе 100 гадзін грамадскіх работ.

Таццяна КОЗЫРАВА,

старшы следчы РАСК.

Print Friendly, PDF & Email