У гонар высакароднай прафесіі

Падчас урачыстага мерапрыемства, якое адбылося ў мінулую пятніцу ў РЦК, узнагароды за адказную і добрасумленную працу і віншаванні з прафесійным святам прымалі педагогі раёна.

З выпадку таго, што святкаванне адбывалася ў будні дзень, арганізатары вырашылі правесці яго ў форме ўрока. Праўда, незвычайнага. У ролі педагогаў былі прадстаўнікі раённай улады, кіраўнікі прадпрыемстваў і ўстаноў, а самі настаўнікі прысутнічалі ў якасці вучняў.

Распачаў незвычайны ўрок старшыня райвыканкама Васіль ЗАХАРЭНКА, які нагадаў аб важнай ролі настаўнікаў у жыцці грамадства і шчыра павіншаваў іх з прафесійным святам. Затым ён уручыў Ганаровую грамату райвыканкама настаўніцы матэматыкі СШ № 2 Ларысе НАБОКАВАЙ, падзяку – намесніку дырэктара МЦ “Ветразь” Вользе АЎСЯННІКАВАЙ.

Цёплыя словы адрасавала педагогам начальнік аддзела па адукацыі райвыканкама Жанна ЗВЯГІНА. Яна ўручыла Грамату Міністэрства адукацыі намесніку дырэктара СШ № 2 Таццяне БОНДАРАВАЙ, ганаровыя граматы галоўнага ўпраўлення па адукацыі Магаблвыканкама — настаўніцы матэматыкі СШ № 2 Таццяне ПАЛОННІКАВАЙ і педагогу дадатковай адукацыі МЦ “Ветразь” Марыі РУГАЛЬ, граматы аддзела па адукацыі – лепшым з лепшых педагогаў раёна.

– Прафесія настаўніка ўніверсальная, – адзначыў у сваім віншаванні старшыня райсавета дэпутатаў Андрэй ГАНЧУК. – Сёння школы з’яўляюцца не толькі ўстановамі адукацыі, але і кузніцай кіраўнічых кадраў. Сучасны педагог не толькі ўплывае на развіццё і станаўленне падрастаючага пакалення, ён спраўляецца з любой задачай, якую паставіць перад ім грамадства.

Таксама Андрэй Ганчук, як старшыня РА ГА “Белая Русь”, уручыў каштоўныя падарункі грамадскага аб’яднання намесніку дырэктара СШ № 2 Вользе СІМАНАВАЙ і выхавацелю дзіцячых ясляў-садзіка № 2 райцэнтра Алене РЫБАКОВАЙ.

Павіншавала з прафесійным святам педагогаў і старшыня райаб’яднання арганізацый прафсаюзаў, якія ўваходзяць у ФПБ, Святлана ПАТАПЧЫК. Яна ўручыла за шматгадовую адказную працу і актыўную жыццёвую пазіцыю юбілейны медаль “115 гадоў прафсаюзнаму руху Беларусі” старшыні РК прафсаюза работнікаў адукацыі і навукі Марыі КРУГЛІКАВАЙ. Граматы прэзідыума райаб’яднання прафсаюзаў і грашовыя сертыфікаты атрымалі дырэктар Вішоўскай СШ Кацярына ЗАЙЦАВА і настаўніца малодшых класаў СШ № 2 Марына КУРАЧОВА. За актыўную прафсаюзную дзейнасць Ганаровай граматай абкама прафсаюза работнікаў адукацыі і навукі была ўзнагароджана старшыня прафсаюзнай пярвічкі СШ № 2 райцэнтра Лідзія ЛЯЖНЁВА, узнагародамі райкама прафсаюза – начальнік аддзела па адукацыі райвыканканкама Жанна Звягіна, загадчыкі ясляў-садзікаў у аграгарадку Вішоў – Валянціна ДУМАРОНАК, Ланькава – Алена ЗУЕВА і дырэктар Эсьмонскага ВПК ДС СШ Людміла САЛАВЕЙ.

Цёплымі словамі павіталі арганізатары свята ветэранаў педагагічнай працы і ўручылі ім кветкі.

Настаўнікі і выхаванцы МЦ “Ветразь”, дзіцячай школы мастацтваў, Цяхцінскага ВПК ДС СШ і салісты РЦК падарылі прыгожыя вакальныя і харэаграфічныя нумары. А напрыканцы незвычайнага ўрока ўсе гледачы ў зале паўдзельнічалі ў забаўляльнай фізкультхвілінцы.

                     Святлана МАГІЛЕЎЧЫК.

                        Фота аўтара.

Print Friendly, PDF & Email