Наездзіў на “справу”

Жыхар аграгарадка Вішоў Д. вырашыў пакатацца на чужым аўтамабілі і зрабіў ДТЗ.

9 кастрычніка ў РАУС звярнуўся магіляўчанін. Ён патлумачыў праваахоўнікам, што прыехаў да маці ў вёску Лямніца, прыпаркаваў свой аўтамабіль каля дома, а раніцай наступнага дня пабачыў яго пабітым.

Супрацоўнікі АКВ РАУС сумесна з АДАІ ўстанавілі карціну здарэння. Віноўным аказаўся непрацуючы жыхар Вішова Д., які скраў чужы  аўтамабіль, ноччу катаўся на ім, зрабіў ДТЗ і ўцёк з месца здарэння. 

Да таго ж, у вішаўчаніна не было права на кіраванне транспартнымі сродкамі.

Парушальніка чакае не толькі адміністрацыйная адказнасць. Па факце ўгону аўтамабіля ўзбуджана крымінальная справа.

                                 Аляксандр ЕМЯЛЬЯНАЎ,

                                   інспектар АДАІ РАУС.

Print Friendly, PDF & Email