Інспекцыяй нагляду і прафілактыкі РАНС праведзены маніторынг ТАА “Бринов-Трейд”, дырэктарам якога з’яўляецца Мікалай БРЫКЕР.

У ходзе праверкі выяўлена шмат парушэнняў правіл пажарнай бяспекі:

– не арганізавана падрыхтоўка работнікаў па праграмах пажарна-тэхнічнага мінімуму, а таксама не праведзены супрацьпажарныя інструктажы;

– у памяшканні электрычныя свяцільнікі эксплуатуюцца не ў адпаведнасці з дакументацыяй;

– адсутнічае агульнааб’ектавая інструкцыя, праграмы ўводнага і пярвічнага супрацьпажарнага інструктажу, інфармацыйны стэнд;

– будынак не ў поўным аб’ёме ўкамплектаваны першаснымі сродкамі пажаратушэння;

– абсталяванне не ачышчаецца ад гаручага пылу;

– складзіраванне рэчываў і матэрыялаў праводзіцца без уліку ўмоў сумяшчальнасці іх захоўвання;

– пляцоўка для захоўвання адходаў не ачышчана ад расліннасці;

– не абазначана месца для курэння;

– адсутнічае асоба, адказная за пажарную бяспеку;

– эвакуацыйныя шляхі і выхады не пазначаны ўказальнымі знакамі пажарнай бяспекі.

Кіраўніку прадпрыемства дадзены рэкамендацыі для ліквідацыі выяўленых парушэнняў.

                                                 Дзмітрый ШАЎЧОНАК,

                інспектар ІНіП РАНС.