Выявілі шэраг парушэнняў пры будаўніцтве

У выніку праведзенай Камітэтам дзяржкантролю Магілёўскай вобласці праверкі ажыццяўлення ААТРассвет им. К.П. Орловского” Кіраўскага раёна функцый

заказчыка на будаўніцтва малочна-таварнай фермы на 768 галоў у аг. Мышкавічы з прыцягненнем бюджэтных сродкаў выяўлены шэраг парушэнняў заканадаўства.

У ліку асноўных: неэфектыўнае выкарыстанне дзяржаўных сродкаў на суму 668,6 тыс. рублёў; завышэнне кошту будаўніцтва аб’екта на 62,3 тыс. рублёў; парушэнне парадку правядзення працэдуры закупкі пры выбары арганізацыі на аказанне інжынерных паслуг; будаўніцтва 4-х пускавых комплексаў аб’екта без зацверджанай ва ўстаноўленым парадку праектна-каштарыснай дакументацыі.

Па выніках праверкі Камітэтам у дачыненні да таварыства і яго службовых асоб распачаты адміністрацыйныя працэсы, матэрыялы праверкі накіраваны ў праваахоўныя органы для прававой ацэнкі.

                     Юрый ФРАЛОЎ,

                     першы намеснік старшыні

                     Камітэта дзяржкантролю Магілёўскай вобласці.

Print Friendly, PDF & Email