Бяспечнае працаўладкаванне за мяжой

З’язджаючы працаваць за мяжу, неабходна ўзважыць усе за і супраць. Пры працаўладкаванні ў іншай краіне шмат падводных камянёў.
Часта працадаўцы парушаюць парадак выплаты наймальнікам зарплаты, уводзяць у зман аб характары працы, умовах пражывання і харчавання. Нярэдкія выпадкі, калі ў прэсе праходзяць паведамленні аб тым, што грамадзяне Беларусі падвергліся працоўнай эксплуатацыі за мяжой. Людзі, якія не карыстаюцца паслугамі юрыдычных асоб і знаходзяць працу праз знаёмых, не маюць легальнага статусу ў краіне. Гэты факт пацвярджае і тое што яны пражываюць і працуюць за мяжой незаконна. Таму пры парушэнні іх правоў, становяцца абсалютна безабароннымі.
Для забеспячэння абароны правоў, свабод і законных інтарэсаў грамадзян і замежных грамадзян, якія пастаянна пражываюць у Беларусі і самастойна выязджаюць за межы рэспублікі для працаўладкавання раім ім:
— пры заключэнні працоўнага дагавора (кантракта) уважліва вывучыць і агаварыць умовы кантракту, якія тычацца характару і месца працы, тэрміну дзеяння кантракта, дзяржавы працаўладкавання, умоў працы і яе аплаты, правоў і абавязкаў бакоў, умоў пражывання, харчавання, іншых сацыяльных гарантый, умоў скасавання кантракта і інш.;
— у выпадку візавага рэжыму абавязкова трэба аформіць рабочую візу (турыстычная не дае права працаваць);
— трэба мець з сабой копіі дакументаў на выпадак страты арыгіналаў, страхоўку ад няшчасных выпадкаў і хваробы, пэўную суму грошай.
Найбольш бяспечным спосабам выезду на працу за мяжу з’яўляецца выезд пры садзейнічанні юрыдычных асоб і індывідуальных прадпрымальнікаў, якія маюць спецыяльны дазвол (ліцэнзію) на права ажыццяўлення дзейнасці, звязанай з працаўладкаваннем за межамі Беларусі. Наяўнасць ліцэнзіі накладвае на іх шэраг абавязацельстваў.
Таксама працуе гарачая лінія па пытаннях бяспечнага выезду за мяжу: 8-801-201-5555.

Галіна СТАРАВОЙТАВА,

інспектар ГГіМ РАУС.

Print Friendly, PDF & Email