Назначаны намеснікам кіраўніка Адміністрацыі Прэзідэнта
Прэзідэнт Беларусі Аляксандр ЛУКАШЭНКА 30 студзеня назначыў намеснікам кіраўніка Адміністрацыі Прэзідэнта Беларусі Валерыя БЕЛЬСКАГА, які замяніў на гэтай пасадзе Мікалая СНАПКОВА, прызначанага Надзвычайным і Паўнамоцным Паслом Беларусі ў Кітаі.
-Што датычыцца вашай работы, я вельмі спадзяюся, што як чалавек адукаваны, разумны вы справіцеся з ёю. Вельмі вялікае значэнне пры гэтым будуць мець вашы экспертныя ацэнкі ўносімых на разгляд Прэзідэнта праектаў нарматыўных прававых актаў, заключэнняў у сферы эканомікі. Адміністрацыя Прэзідэнта – штаб палітычны. Але са штаба эканамічнага (урада) праз Адміністрацыю Прэзідэнту паступаюць усе дакументы. І мыш не павінна прапаўзці, – сказаў кіраўнік дзяржавы Валерыю Бельскаму.Прэзідэнт падкрэсліў: стаяць сур’ёзныя задачы, у тым ліку планаванне маючай адбыцца пяцігодкі.
-Трэба будзе планаваць, прытым вельмі сур’ёзна. Ды і ў гэтым годзе мы павінны вельмі сур’ёзна папрацаваць, каб пераадолець негатыўныя з’явы, якія ёсць у эканоміцы, асабліва звязаныя з Расіяй. Тыя страты, якія падкінулі нашы браты, мы павінны нівеліраваць за кошт іншых напрамкаў адзначыў Аляксандр Лукашэнка.
Валерый Бельскі нарадзіўся ў 1968 годзе ў вёсцы Дзевашычы нашага раёна. Пасля сканчэння Белдзярсельгасакадэміі на працягу 1993-1995 гадоў працаваў на малой радзіме – галоўным эканамістам тадышняга саўгаса “Каліноўскі”.
З 2016 года Валерый Іванавіч з’яўляўся дырэктарам ДНУ “Інстытут эканомікі Нацыянальнай акадэміі Беларусі”.
Міхась КАРПЕЧАНКА.