Злачынствы ў сеціве

Сёння шмат хто з нас карыстаецца інтэрнэтам і практычна ва ўсіх ёсць старонкі ў сацыяльных сетках, электронныя паштовыя скрыні.
У інтэрнэце, на камп’ютарах мы захоўваем нашы персанальныя дадзеныя, але мала хто ведае, што электронныя сродкі захоўвання інфармацыі падвяргаюцца большай небяспецы, чым папяровыя. З году ў год колькасць злачынстваў, зробленых з выкарыстаннем камп’ютарных тэхналогій, нязменна расце.
Калі за 5 месяцаў 2018 года ў сферы высокіх тэхналогій былі зарэгістраваны 176 злачынстваў, то за аналагічны перыяд бягучага колькасць іх вырасла да 299.
Напрыклад, узламаўшы старонку ў сацыяльнай сетцы “УКантакце” грамадзяніна А., зламыснік разаслаў паведамленні яго сябрам з просьбай перавесці яму грошы, спасылаючыся на цяжкую жыццёвую сітуацыю, у якую, нібыта, патрапіў А. Сябры, мяркуючы, што яны аказваюць дапамогу знаёмаму, перавялі грошы на названыя зламыснікам нумары абанентаў мабільнай сеткі.
Каб не стаць ахвярай кіберзлачынцаў, выкарыстоўвайце наступныя парады:
— не запісвайце пін-код на картцы або ў лёгкадаступных месцах;
— не перадавайце нікому рэквізіты сваёй карткі;
— калі расплачваецеся карткай, трымайце яе ў полі зроку;
— ніхто не павінен ведаць баланс вашага асабістага рахунку;
— завядзіце асобную картку для банкаматаў і кладзіце на яе толькі патрэбную суму грошай;
— будзьце крайне асцярожныя з крэдытнымі (на якіх ёсць крэдытны ліміт) карткамі;
— трымайце ў сваім мабільным тэлефоне нумар сэрвіснага цэнтра банка, дзе вам выдалі картку.

Аляксандр ДРАЗДОЎ,
першы намеснік начальніка РАУС.

Print Friendly, PDF & Email