Строга папярэдзілі
Напрыканцы лютага бягучага года праваахоўнікі правялі мерапрыемствы па прафілактыцы злачынстваў у дачыненні да пажылых і састарэлых грамадзян, наведалі іх па месцы жыхарства, уручылі ім памяткі па бяспецы жыццядзейнасці.
Асаблівую ўвагу супрацоўнікі міліцыі звярнулі на асоб, якія пражываюць з пажылымі людзьмі і ў той жа час знаходзяцца на ўліку ў РАУС. Падчас наведвання сем’яў удакладняліся іх сацыяльныя праблемы, пасля чаго ў РЦСАН і СГПАП былі накіраваны адпаведныя інфармацыі для аказання дапамогі. У дачыненні да аднаго грамадзяніна, які рабіў гвалтоўныя дзеянні ў адносінах да пажылой маці, прыменена ахоўнае прадпісанне. Няўдзячны сын быў абавязаны пакінуць іх агульнае з маці жыллё на 30 сутак і ўвесь гэты час не кантактаваць з ёй.
Таксама ў рамках прафілактычных мерапрыемстваў у актавую залу РАУС запрасілі асоб, у дачыненні да якіх праводзіцца прафілактычная праца і якія знаходзяцца на розных уліках райаддзела, у тым ліку, пражываюць з пажылымі грамадзянамі і дапускаюць гвалт у сям’і.
Пры іх раённым судом была разгледжана крымінальная справа па факце пагрозы знішчэння маёмасці грамадзянінам М., які быў прыгавораны да пакарання ў выглядзе папраўчых работ.
Гэтак жа суд разгледзіў матэрыялы ў дачыненні да раней судзімага М. і прыняў рашэнне аб прадаўжэнні прэвентыўнага нагляду, бо ён парушаў правілы яго адбыцця.
Старшыня раённага суда Валянціна ПАЎЛАВА давяла да прысутных прафілактычную інфармацыю па тэмах сямейнага гвалту і адказнасці за невыкананне патрабаванняў прэвентыўнага ці прафілактычнага наглядаў. Таксама прысутныя былі паінфармаваны аб адміністрацыйнай адказнасці за знаходжанне ў грамадскіх месцах у стане алкагольнага ап’янення і распіванні там спіртных напояў.
Супрацоўнікі міліцыі растлумачылі, якая крымінальная і адміністрацыйная адказнасць наступае за правапарушэнні і ў сферы сямейна-бытавых адносін, у тым ліку за цяжкія і асабліва цяжкія злачынствы. Таксама распавялі аб мерах індывідуальнай прафілактыкі, якiя прымяняюцца да асоб, што знаходзяцца на ўліку ў РАУС. Звярнулі ўвагу і на захаванне пажарнай бяспекі ў побыце.
Інспектар крымінальна-выканаўчай інспекцыі Вольга КОРШУНАВА дадаткова растлумачыла адказнасць за зробленыя рэцыдыўныя злачынствы, невыкананне правіл прафілактычнага і прэвентыўнага наглядаў. Асаблівая ўвага была звернута на адказнасць за ўхіленне ад адбыцця пакарання, не звязанага з пазбаўленнем волі. З кожным прысутным была праведзена індывідуальная прафілактычная гутарка.
Юлія МАРОЗАВА,
старшы інспектар ААПП РАУС.