Камунальнікі прымалі віншаванні

У мінулыя выхадныя сваё прафесійнае свята адзначылі работнікі сферы жыллёва-камунальнай службы і бытавога абслугоўвання насельніцтва.

Шчырыя пажаданні здароўя, шчасця, міру і дабрабыту, а таксама надалей адточваць свой прафесіяналізм і дасягаць новых вяршынь адрасваў працаўнікам БУКП “Жылкамгас” ад імя раённай улады старшыня райсавета дэпутатаў Андрэй САЛАНІНКА.

Ён уручыў нагрудны знак “Ганаровы работнік жыллёва-камунальнай гаспадаркі” галоўнаму эканамісту прадпрыемства Валянціне ШУТОВАЙ. Грамату Магаблвыканкама ён узнагародзіў машыніста аўтакрана Віктара БУЛЬБАЧОВА. Ганаровай граматай Магілёўскага абласнога ўпраўлення ЖКГ адзначаны за высокія працоўныя паказчыкі электрагазазваршчык Аляксандр МАСЛЯНКОЎ, граматамі – майстар Іван ДАЛЕЦКІ і галоўны бухгалтар Вольга МАРОЗАВА.

Ганаровай граматай дзяржаўнага аб’яднання ЖКГ Магаблвыканкама заахвочаны галоўны энергетык Аляксандр ПЯЦІГОРЫК,

Ганаровыя граматы райвыканкама за шматгадовую адказную працу і ў сувязі з прафесійным святам атрымалі начальнік ВТС Вікторыя КАРЧАГІНА і вадзіцель Сяргей ШАГРАЙ, райсавета дэпутатаў – рабочы зялёнага будаўніцтва Аляксандр ШАРАХОЎСКІ і машыніст аўтакрана Юрый ІВАШЧАНКА.

Са словамі падзякі ўсяму працоўнаму калектыву жылкамгаса выступіў дырэктар арганізацыі Віктар ІВУЛЁЎ.

Ён адзначыў важнасць працоўнага ўнёску ў агульную справу кожнага з 345 работнікаў, дадаў, што жылкамгас – адна з тых нямногіх арганізацый, якія знаходзяцца з чалавекам напрацягу ўсяго яго жыцця. Якаснае аказанне камунальных паслуг, капітальны рамонт будынкаў, навядзенне чысціні і парадку на зямлі – гэта галоўныя задачы на сённяшні дзень, з якімі камунальнікі выдатна спраўляюцца.

Напярэдадні прафесійнага свята дырэкцыяй арганізацыі было прынята рашэнне прысвоіць званне “Ганаровы работнік Бялыніцкага УКП “Жылкамгас” вядучаму інжынеру па ахове працы Людміле ШЫЦІКАВАЙ. Таксама Віктар Івулёў уручыў дыпломы і грашовыя прэміі шэрагу работнікаў арганізацыі, якія пацвердзілі свой высокі прафесіяналізм, дабіліся высокіх паказчыкаў у працы. Сярод іх Аляксандр ЯКАЎЕЎ, Анатоль ДЗЕМІДОВІЧ, Віктар БУЛЬБАЧОЎ, Яўгенія ІЛЬЧУК, Вольга ГАНЧАРОВА, Уладзімір КАЗЛОЎ, Алеся КРАЎЧАНКА і іншыя. Больш за 40 працаўнікоў былі ўзнагароджаны граматамі БУКП “Жылкамгас” і грашовымі прэміямі.

Добрай традыцыяй стала ўшанаванне працаўнікоў, якія сёлета адпраўляюцца на заслужаны адпачынак. Старшыня ветэранскай арганізацыі жылкамгаса Любоў ЛАПО ўручыла кветкі і каштоўныя падарункі Аляксандру ДОМНІЧУ, Генадзю КАПЫЛОВУ, Пятру АКУЛАВУ, Міхаілу КАРЖОВУ і Мікалаю ВАЛЕВІЧУ

Print Friendly, PDF & Email