У рамках падпісной кампаніі рэдакцыя “Зары над Друццю” зрабіла падарунак для маладой сям’і Анастасіі і Уладзіслава БУСЫГІНЫХ – аформіла для іх падпіску на раённую газету.

– “Зару над Друццю” заўсёды выпісваюць і чытаюць мае бацькі. Таму цяпер, калі ў мяне з’явілася ўласная сям’я, далей будзем самі афармляць падпіску. Мы нашу газету любім і з задавальненнем чытаем. Заўсёды цікава ведаць, што адбываецца на Бялыніччыне, – расказала шчаслівая нявеста.

Анастасія і Уладзіслаў пакляліся ў вечным каханні і вернасці. Прыемна, што раённая газета “Зара над Друццю” стала сведкам стварэння новай і шчаслівай гісторыі сям’і.

                                      Аліна ЦЫГАНІЙ.

            Фота аўтара.