У новым праекце КаАП прадугледжана бальная сістэма пакаранняў за парушэнні ПДР, кіроўцаў будуць пазбаўляць вадзіцельскага пасведчання пасля набору больш за 10 балаў. Такая інфармацыя размешчана ў ведамаснай газеце МУС “На варце”.

Усе правапарушэнні плануецца падзяліць на тры катэгорыі. Першая-адміністрацыйныя праступкі. Гэта тыя парушэнні, за якія прадугледжаны штраф у памеры да 10 базавых велічынь (1 БВ цяпер-Br27). Дзве астатнія-гэта значныя і грубыя правапарушэнні. Значнымі лічацца тыя, дзе максімальнае спагнанне больш за 10 базавых, грубымі-калі санкцыяй артыкула прадугледжаны пазбаўленне права кіравання, займацца пэўнымі відамі дзейнасці, адміністрацыйны арышт, грамадскія працы або крымінальная адказнасць за паўторнае парушэнне.

За праступак на “рахунак” кіроўцы запішуць адзін бал, за значнае правапарушэнне-два, за грубае-тры. Пры гэтым за нязначныя парушэнні правілаў налічэнне штрафных балаў не прадугледжана.

За ўпершыню дапушчаны адміністрацыйны праступак будзе толькі налічэнне штрафнога бала. Але шэсць і больш балаў за наступныя парушэнні  на дарозе – штраф максімальна магчымага памеру. А перавысіўшы дапушчальны ліміт у 10 балаў і зусім пазбавяцца права садзіцца за руль тэрмінам на 6 месяцаў.

Балы згараюць праз год з моманту ўступлення ў сілу пастановы аб накладанні спагнання. У гэтым дакуменце будзе адлюстравана і інфармацыя аб суме балаў. Штрафную гісторыю можна будзе знайсці і ў кабінеце карыстальніка на сайце МУС.

З’явяцца і больш эфектыўныя інструменты ўздзеяння на нецвярозых вадзіцеляў. Па-ранейшаму правы кіраваць транспартам яны пазбаўляюцца тэрмінам на тры гады. Але памер штрафу ўзрасце. Ён будзе залежаць ад ступені ап’янення: калі ў крыві выявяць ад 0,3 да 0,8 праміле, то заплаціць прыйдзецца 100 базавых велічынь. Пры канцэнтрацыі больш за 0,8 праміле-штраф 200 базавых. Зноў сесці за руль можна будзе толькі праз пяць гадоў. Такая ж адказнасць пагражае і за адмову ад праходжання медэкспертызы, і за ўжыванне гарачыльных напояў пасля ДТЗ.

Абмяркоўваюцца і змены ў размяшчэнні датчыкаў хуткасці. Спецыялісты прапануюць вымяраць сярэднюю хуткасць на пэўных прамежках. Гэта значыць спачатку праезд аўто зафіксуе прыладу на ўездзе, пазней – на выездзе. Такую сістэму плануюць выкарыстоўваць у першую чаргу побач з дзіцячымі ўстановамі і ў населеных пунктах каля хуткасных трас.

Камеры фотафіксацыі парушэнняў здольныя вылічаць не толькі аматараў хуткай язды. Яны могуць распазнаваць непрышпіленых кіроўцаў, фіксаваць парушэнні правілаў стаянкі і прыпынку, выпадкі няпропуска пешахода. Пакуль аўтаўладальнікі могуць не баяцца штрафаў ад “лічбавых інспектараў”. Аднак у абноўленым КаАП прапісанаа магчымасць прыцягваць да адказнасці і за парушэнні, зарэгістраваныя тэхсродкамі.

Падрыхтавана па матэрыялах БелТА .