Больш за 3 тыс. чалавек стануць байцамі студатрадаў у Магілёўскай вобласці
Больш за 3 тыс. чалавек стануць удзельнікамі студатрадаў у Магілёўскай вобласці ў 2020 годзе. Пра гэта распавёў камісар Магілёўскага абласнога штаба студэнцкіх атрадаў БРСМ Алег БОЙКА.
“Плануецца, што ўдзельнікамі студатрадаўскага руху сёлета стануць больш за 3 тыс. чалавек. Студатрады вельмі папулярныя сярод студэнтаў. Сёлета мы запусцілі акцыю “выбіраем студатрад” у сацыяльных сетках. Падаць заяўку на ўдзел можна праз Інтэрнэт, – адзначыў камісар. – На дадзены момант такім спосабам зарэгістраваліся ўжо больш за 2,5 тыс. чалавек. Стаць удзельнікам студатрада можа любы чалавек ва ўзросце ад 14 гадоў і які не мае медыцынскіх супрацьпаказанняў”.
Праца студатрадаў у Магілёўскай вобласці ўжо ідзе. “Цяпер прадстаўнікі пяці атрадаў, а гэта каля 60 чалавек, працуюць на будаўнічых аб’ектах.
Падчас трэцяга працоўнага семестра байцы студатрадаў Магілёўскай вобласці будуць працаваць не толькі ў сваім рэгіёне. “Сёлета некалькі нашых атрадаў адправяцца на ЗАТ “Атлант” у Мінску. Акрамя гэтага, хлопцы будуць прымаць удзел у будаўнічых работах у Астраўцы – дапамогуць уладкоўваць аб’екты сацыяльнай сферы”, – адзначыў прадстаўнік БРСМ.
Падрыхтавана па матэрыялах БелТА .