У рамках кантролю за станам спажывецкага рынку ў красавіку камітэтам былі правераны больш за 80 аб’ектаў рознічнага гандлю. Практычна ва ўсіх выяўлены розныя парушэнні і недахопы.

У кожным другім магазіне ўстаноўлена перавышэнне ўзроўню гандлёвых надбавак на тыя ці іншыя групы харчовых і нехарчовых тавараў, што негатыўным чынам адбіваецца на ўзроўні іх цэн.

У некаторых гандлёвых аб’ектах выяўлена адсутнасць (альбо недастатковая колькасць) у продажы асобных відаў айчынных тавараў, рэалізацыя тавараў з сышоўшымі тэрмінамі прыдатнасці.

Большасць выяўленых парушэнняў і недахопаў пасля ўнесеных камітэтам рэкамендацый ужо ліквідавана. У дачыненні да асобных суб’ектаў распачаты адміністрацыйныя працэсы.

                             Юрый ФРАЛОЎ,

                             першы намеснік старшыні Камітэта

                             дзяржкантролю Магілёўскай вобласці.