Темы

На “перадавой” вырашэння вясковых праблем

Старшыня сельвыканкама – асоба для жыхароў сельскай мясцовасці значная. Менавіта да яго ў першую чаргу са сваімі праблемамі і скаргамі звяртаюцца вяскоўцы.Галоўчынскі сельсавет абядноўвае 21 населены пункт, дзе налічваюцца 483 жылыя дамы, у якіх пражываюць 1278 чалавек. З іх 686 – працаздольныя, 390 пенсіянераў і 202 непаўналетнія. За апошнія два гады на тэрыторыі сельсавета нарадзіліся 20 дзяцей, зарэгістраваны 10 шлюбаў. Памерлі 36 жыхароў.

Аб тым, чым жыве сельсавет, якія праблемы часцей за ўсё хвалююць яго жыхароў і як яны вырашаюцца, у гутарцы з карэспандэнтам раённай газеты распавядае старшыня яго Аляксандр ЛЯЎКОВІЧ.

Пытанні добраўпарадкавання сельскіх населеных пунктаў былі і застаюцца ў прыярытэце дзейнасці сельсаветаў, а ў год малой радзімы яны асабліва актуальныя

– Сапраўды. Навядзенне парадку і добраўпарадкаванне – адзін з галоўных кірункаў у працы сельвыканкама. Ён уключае ў сябе мноства мерапрыемстваў: ад абкосу травы і ўладкавання малых архітэктурных форм да ліквідацыі небяспечных дрэў, рамонту шахтных калодзежаў, агароджы на могілках, утрымання дарожнага пакрыцця, вулічнага асвятлення і іншыя. Трэба адзначыць, што ўсе гэтыя мерапрыемствы ўключаны ў гадавы план і іх рэалізацыя залежыць ад напаўнення бюджэту і фінансавання.

Не менш важныя напрамкі ў працы па добраўпарадкаванні населеных пунктаў – гэта ўвод у севазварот невыкарыстоўваемых земляў, памяншэнне колькасці пустуючага і старога жылля.

За мінулы перыяд бягучага года на тэрыторыі сельсавета ўключана ў севазварот 2,5 гектара невыкарыстоўваемых земляў, знесены два трухлявыя дамы, прынята рашэнне аб зносе яшчэ шасці. Акрамя таго, адрамантавалі два калодзежы, замянілі 300 м п агароджы ў  аг. Галоўчын, ліквідавалі восем небяспечных дрэў.

Што да падтрымання належнага санітарнага парадку ў грамадскіх месцах і на падворках грамадзян, то тут мы шырока выкарыстоўваем практыку правядзення санітарных дзён, што праходзяць кожны чацвер, і суботнікаў, якіх сёлета правялі два.

З якімі пытаннямі і праблемамі жыхары сельсавета звяртаюцца найчасцей?

– Самымі праблемнымі застаюцца пытанні рамонту і ўтрымання калодзежаў. Іх, дарэчы, на тэрыторыі сельсавета –129. 20 з іх патрабуюць рамонту. Крыху радзей жыхары звяртаюцца наконт выдалення небяспечных дрэў у населеных пунктах і на могілках, адлову бадзячай жывёлы. Такія звароты вырашаем у звязцы з РАНС, ПМК-241, ААТ “Бялынічы” і іншымі арганізацыямі раёна.

Якія меры прымаюцца па прадухіленні злачынстваў і правапарушэнняў, а таксама па рэалізацыі Дэкрэта № 18?

– З пачатку года на тэрыторыі сельсавета зарэгістраваны 7 злачынстваў, большасць з іх – крадзяжы. Сельвыканкам прымае ўсе, прадугледжаныя заканадаўствам, прафілактычныя меры. Так, створаны і працуе савет грамадскага пункта аховы правапарадку, добраахвотная дружына. Арганізаваны сумесныя дзяжурствы ў населеных пунктах. На сходах у вёсках праводзім работу з насельніцтвам па пытаннях захаванасці іх уласнасці, інфармуем аб грамадзянах, схільных да супрацьпраўных дзеянняў. З апошнімі рэгулярна праводзім прафілактычную працу на пасяджэннях СГПАП. З пачатку года прайшлі 4 пасяджэнні, на якіх разгледжаны паводзіны 25 чалавек, з іх 5 – раней судзімыя. Нельга не адзначыць, што гэта праца прыносіць свае станоўчыя вынікі. Траім жыхарам сельсавета аказана дапамога па працаўладкаванні, двое пазбавіліся ад алкагольнай залежнасці праз кадзіраванне.

Абавязаных асоб па Дэкрэце                № 18 на тэрыторыі сельсавета няма, аднак у трох сем’ях 12 дзяцей знаходзяцца ў сацыяльна небяспечным становішчы. З імі таксама сумесна з работнікамі ўстаноў адукацыі праводзіцца праца па выхадзе з той сітуацыі, у якой яны апынуліся.

– Яшчэ адной важнай задачай сельвыканкама з’яўляецца стварэнне бяспечных умоў пражывання грамадзян. Як працуеце ў гэтым кірунку?

– Гэту функцыю ажыццяўляе назіральная камісія. У склад яе ўваходзіць 9 чалавек, якія займаюцца праверкай домаўладанняў на прадмет выканання правілаў выкарыстання пячнога ацяплення, электра- і газавага абсталявання.

Сёлета, зрэшты, як і кожны год, члены камісіі абследавалі ўсе дамы і кватэры на тэрыторыі сельсавета. Па выніках праверкі гаспадары 13 дамоў правялі рамонт пячнога ацяплення, у 7 домаўладаннях прывялі ў парадак электраправодку, замянілі 5 газавых пліт, устанавілі          9 АПА. Дзецям, чые пажылыя бацькі пражываюць адны, для аказання ім дапамогі па ліквідацыі небяспечных для іх жыцця недахопаў сельвыканкам накіраваў 12 лістоў. У пяці выпадках гаспадароў дамоў за ігнараванне прадпісанняў давялося прыцягнуць да адміністрацыйнай адказнасці.

Трэба адзначыць, што па выніках працы за 2019 год наша аглядальная камісія заняла 2 месца ў раённым спаборніцтве.

– Для жыхара вёскі асабістая падсобная гаспадарка з’яўляецца, так бы мовіць, гарантыяй харчовай бяспекі. Як ідуць справы на тэрыторыі сельсавета ў гэтым кірунку?

– На працягу апошніх гадоў назіраецца зніжэнне пагалоўя сельскагаспадарчай жывёлы на падворках грамадзян. І звязана яно ў першую чаргу са старэннем вяскоўцаў, адтокам моладзі ў гарады і развіццём буйнатаварнай вытворчасці.

– Ваш старшынёўскі стаж складае больш за 15 гадоў. Менавіта столькі вы знаходзіцеся на “перадавой” вырашэння сельскіх праблем. Як спраўляецеся?

– Спраўляцца ўдаецца, канечне, не без дапамогі добрай каманды, у якую ўваходзяць спецыялісты сельвыканкама, дэпутаты, кіраўнікі арганізацый і ўстаноў, неабыякавыя старасты вёсак і жыхары населеных пунктаў. Дзякуючы такой своеасаблівай кааперацыі, калі кожны адчуе асабістую адказнасць за вырашэнне як сваіх, так і праблем іншых людзей, любое пытанне абавязкова вырашаецца.

    Гутарыла Вольга НАБОКАВА.

            Фота аўтара.

Последние новости

Официально

ФСЗН разъяснил о праве на пособия в повышенном размере – только при фактическом проживании  на территории  радиоактивного загрязнения

29 марта 2024
Общество

Прокурор Белыничского района рассказал об изменениях в законодательстве о государственных закупках

28 марта 2024
Выборы 2024

ЦИК Беларуси зарегистрировал кандидатами в члены Совета Республики 56 человек

28 марта 2024
Новости Беларуси

Минприроды предлагает 30 марта принять участие в международной экологической акции “Час Земли”

28 марта 2024
Новости района

Соревнования по мини-футболу в рамках проекта «Мой школьный футбольный клуб» прошли на базе СШ №2

27 марта 2024
Новости Беларуси

Размер суточных для служебных командировок в пределах Беларуси повышается до 12 рублей в сутки

26 марта 2024
Всебелорусское народное собрание

Ирина Фурсова и Николай Даречкин выдвинуты кандидатами в делегаты Всебелорусского народного собрания

26 марта 2024
Новости района

Белыничанин Никита Калистратов стал победителем Гранд-финала 13-го сезона проекта «100 идей для Беларуси»

25 марта 2024
Главное

Резервов предостаточно. Александр Лукашенко видит серьезный потенциал для роста товарооборота с Омской областью России

25 марта 2024
Актуально

В Белыничском райобъединении профсоюзов пройдет приём граждан

25 марта 2024

Рекомендуем

Выборы 2024

Алексей Кушнаренко выдвинут кандидатом в члены Совета Республики

18 марта 2024
Новости района

Широко и весело прошли масленичные гулянья в агрогородке Вишов

16 марта 2024
Актуально

Группа по гражданству и миграции проведет выездной прием граждан

18 марта 2024
Главное

Митинг-реквием, посвященный Дню памяти сожженных деревень, прошел на мемориальном комплексе «Стефаново»

21 марта 2024
Новости района

В Белыничском районе проходит день информирования

21 марта 2024
Новости района

В Белыничском лесхозе прошел республиканский пресс-тур по подготовке системы лесного хозяйства района к пожароопасному периоду

21 марта 2024
Главное

Александр Лукашенко вручил госнаграды депутатам и сенаторам

21 марта 2024
Главное

На связи Байконур. Лукашенко проводит встречу с космонавтами Новицким и Василевской

19 марта 2024