Камітэтам дзяржкантролю Магілёўскай вобласці выбарачна праверана захаванне ў рэгіёнах парадку арганізацыі і правядзення капітальнага рамонту аб’ектаў жыллёвага фонду.
Як паказалі кантрольныя мерапрыемствы, у гэтай сферы маецца шэраг праблем, якія патрабуюць прыняцця мер рэагавання. Найбольш тыповыя з іх:
– неналежнае фарміраванне графікаў капітальнага рамонту жылых дамоў, іх перыядычная карэкціроўка;
– сістэматычнае перавышэнне, разлічаных у адпаведнасці з заканадаўствам, гранічных норм выдаткаў на капітальны рамонт 1 м2 агульнай плошчы жылых дамоў;
– несвоечасовая прыёмка ў эксплуатацыю адрамантаваных аб’ектаў;
– прыёмка ў эксплуатацыю асобных канструкцыйных элементаў жылога дома пад выглядам уводу ў эксплуатацыю ўсяго яго;
– скажэнне ведамаснай справаздачнасці па ўводзе агульнай плошчы жылля і замене ліфтаў;
– недасканаласць заканадаўства ў гэтай сферы.
Камітэтам забяспечваецца прыняцце мер па выпраўленні сітуацыі. Кантроль у гэтай сферы працягваецца.
Юрый ФРАЛОЎ,
першы намеснік старшыні Камітэта
дзяржкантролю Магілёўскай вобласці.
