Па 21 чэрвеня на Магілёўшчыне праводзіцца інфармацыйна-адукацыйная акцыя “Беларусь супраць тытуню”

Па 21 чэрвеня на Магілёўшчыне праводзіцца інфармацыйна-адукацыйная акцыя “Беларусь супраць тытуню” пад дэвізам: “Скажы тытуню – не”, накіраваная на абарону падрастаючага пакалення ад дрэннага ўздзеяння курэння.

Сёння нікацінавая залежнасць назіраецца ў 1,1 млрд чалавек па ўсім свеце. Па да-дзеных СААЗ, на пачатак XXI стагоддзя кожная чацвёртая ў свеце жанчына курыць. Гэта сапраўдная трагедыя для грамадства. Дачасна марнее не толькі прыгажосць, але і здароўе, а з ім і наша будучае – дзеці. Ужыванне тытуню скарачае працягласць жыцця на 7-15 гадоў, на 15% зніжаецца прадукцыйнасць працы.

Спецыялістамі падлічана, што 1-2 пачакі цыгарэт утрымліваюць смяротную дозу нікаціну. Курца ратуе толькі тое, што гэта доза ўводзіцца ў арганізм паступова, і част-ка нікаціну нейтралізуе фармальдэгід – іншы яд, які змяшчаецца ў тытуні.

У склад тытунёвага дыму ўваходзіць каля 3000 хімічных рэчываў, здольных пашкоджваць жывыя тканкі. Асабліва варта адзначыць тытунёвы дзёгаць, які ўтвараюць смолы і роднасныя ім злучэнні, нікацін, высокатаксічныя злучэнні і газы: вокісы вугляроду і азоту, аміяк, сінільная кіслата і іншыя.

Курэнне спрыяе развіццю такіх хвароб, як артэрыяльная гіпертэнзія, ішэмічная хвароба сэрца, хранічны бранхіт і эмфізэма лёгкіх, язва страўніка і дванаццаціперснай кішкі, хранічны каліт і дзясяткі іншых. Павышаецца рызыка ўзнікнення паталогіі цяжарнасці, выкідышаў. Курэннем выкліканы 30% выпадкаў смерцяў ад раку вуснаў, гартані, бронхаў, лёгкіх, страваводу, страўніка, падстраўнікавай залозы, кішэчніка і інш.

Тыя, хто курыць, падвяргаюць небяспецы не толькі сябе, але і навакольных людзей.

Тытунёвы дым, які чалавек вымушаны ўдыхаць, утрымлівае ў 50 разоў больш канцэрагенаў і аміяку, у пяць разоў больш вокі-су вугляроду, удвая больш смол і нікаціну, чым паступае ў арганізм самога курца.

Трэба памятаць, што адмова ад гэтай шкоднай звычкі мае сэнс у любы час.

Калі хваробы яшчэ не развіліся, то рызыка іх узнікнення будзе паступова змяншацца, а праз дзесяць гадоў, пасля таго як вы кінулі паліць, і зусім сыдзе на нуль.

Памятайце, што тыя, хто не курыць, адчуваюць сябе больш упэўнена ў сучасным грамадстве, лепш выглядаюць, даўжэй жывуць, захоўваючы эмацыйную і фізічную актыўнасць.

               Ларыса ВАРАВА,

               інструктар-валеолаг райЦГЭ.

Print Friendly, PDF & Email