Генеральны дырэктар БелТА Ірына Акуловіч сустрэлася з прадстаўнікамі працоўнага калектыву СВК “Калгас “Радзіма”
СВК “Калгас “Радзіма” з’яўляецца перадавой гаспадаркай не толькі ў Бялыніцкім раёне, але і ў краіне. Тут паспяхова асвойваюцца новыя тэхналогіі, дзейнічае ўнікальная матывацыйная сістэма, надаецца асаблівая ўвага працоўнай моладзі і ветэранам працы. Гаспадарка ажыццяўляе шэраг сацыяльна-дабрачынных праектаў.
Ірына Акуловіч пацікавілася бягучым станам спраў у гаспадарцы, павіншавала кіраўніка яе Аляксандра Лапацентава з узнагароджаннем яго ордэнам Айчыны ІІ ступені, распавяла пра задачы, якія стаяць перад дзяржаўнымі беларускімі СМІ, калі сучасныя сродкі масавай інфармацыі сталі не толькі сродкам данясення інфармацыі, але і паўнавартаснай зброяй.
Працаўнікі гаспадаркі і іх госця абмяняліся таксама думкамі на тэму рэалій сённяшняга жыцця.
Міхась КАРПЕЧАНКА.
