Па 22 лістапада на тэрыторыі Магілёўскай вобласці пройдзе комплекс мерапрыемстваў па папярэджанні ДТЗ з удзелам пешаходаў і вадзіцеляў у цёмны час сутак.
З пачатку года на дарогах вобласці адбыліся 104 дарожна-транспартныя здарэнні, 57 – у цёмны час сутак. Загінулі 14 чалавек, 44 атрымалі траўмы рознай ступені цяжкасці.
Паважаныя жыхары Бялыніччыны! У цёмны час сутак заўсёды абазначайце сябе святлоадбівальнымі элементамі!
Не заставайцеся ў баку, калі вам становяцца вядомыя факты знаходжання на дарозе нецвярозых пешаходаў, веласіпедыстаў і вадзіцеляў, паводзіны якіх уяўляюць небяспеку, і патрабуецца прыняць меры па іх выдаленні з праезнай часткі. Тэлефануйце на лінію 102 ці ў дзяжурную службу РАУС. Магчыма, ваш званок дазволіць папярэдзіць трагедыю.
Канстанцін НІКІФАРАЎ,
начальнік АДАІ РАУС.
