Да 50 аўто за дзень

З пачатку гэтага года ўладальнікам машын у Беларусі не трэба плаціць дзяржпошліну за допуск да ўдзелу ў дарожным руху пры праходжанні тэхагляду. Замест гэтага з’явіўся транспартны падатак. У выніку дыягнастычная станцыя №188 працуе пры максімальнай загружанасці.

– Толькі з пачатку года на нашай дыягнастычнай станцыі выдадзена больш за 450 дазволаў на допуск транспартных сродкаў да ўдзелу ў дарожным руху, – распавядае інжынер першай катэгорыі УП «Белтэхагляд» па Магілёўскай вобласці Юрый ПІШЧУЛЁЎ. – Галоўныя змены, якія ўступілі ў сілу ў пачатку 2021 года – гэ та адмена дзяржпошліны за допуск да ўдзелу ў дарожным руху пры праходжанні тэхагляду і ўстанаўленне дакладнай даты праходжання наступнага. Гэта значыць, раней вы самі вырашалі, праходзіць наступны тэхагляд у канцы ці пачатку месяца. Зараз жа запісваецца канкрэтная дата, з якога чысла і па якое ваш допуск сапраўдны.

Час ад часу хто-небудзь пытае, напрыклад, ці патрэбна пры праходжанніпрацэдуры тэхагляду меддаведка для вадзіцеля. А яе ўжо даўно адмянілі. За выключэннем асоб, у вадзіцельскіх правах якіх паказана, што без медыцынскай даведкі яны не сапраўдныя. Таксама даўно адменены сертыфікат, у які раней ставілі штамп аб тым, што транспартны сродак прайшоў тэхагляд.

Вадзіцелі, што па якіх-небудзь прычынах не атрымалі дазвол на допуск транспартнага сродку да ўдзелу ў дарожным руху, атрымліваюць на рукі дыягнастычную карту. Яна сапраўдная 20 дзён з моманту праходжання тэхагляду. За гэты час варта з’явіцца на дыягнастычную станцыю зноў і атрымаць дазвол на допуск транспартнага сродку да ўдзелу ў дарожным руху. Працэдура платная, яе кошт складае 0,3 бв.

– Адмена транспартнага падатку станоўча паўплывала на тое, што людзі пачалі клапацціца пра тэхнічны стан сваіх аўтамабіляў. Такога ажыятажу сярод аўтаўладальнікаў даўно не бачылі. Першыя дні менш за 50 машын не было. Многія папярэдне запісваліся, даводзілася чаргаваць кіроўцаў, якія былі па запісе, і тых, хто прыехаў па жывой чарзе. У асноўным, машыны ўсе дагледжаныя,  але сустракаюцца розныя аўтамабілі. Шмат залежыць ад таго, як аўтаўладальнік ставіцца да машыны, – распавёў начальнік дыягнастычнай станцыі №188 Мікалай МІСНІКАЎ.

За 2020 год на дыягнастычнай станцыі №188 Бялыніцкага філіяла «Аўтапарк №7» ААТ «Магілёўаблаўтатранс» выканана 1965 кантрольна­дыягнастычных работ. З іх 1732 аўтамабілі былі падрыхтаваны і тэхнічна спраўныя, яны прайшлі тэхагляд без заўваг з першага разу, 110 – з нязначнымі заўвагамі. 123 транспартныя сродкі не
адпавядалі тэхнічным патрабаванням.

На праходжанне тэхагляду можна запісацца па тэлефонах: 72-702 і 77-981.

Дзмітрый ЦІХАНАЎ.
Фота аўтара.

Print Friendly, PDF & Email