У школах наступілі доўгачаканыя вясновыя канікулы, а ў бібліятэках раёна стартаваў Тыдзень дзіцячай кнігі.
Упершыню прапанаваў адзначаць свята дзіцячых кніг вядомы рускі пісьменнік Леў Касіль. Менавіта з яго падачы ў 1943 годзе пачалі святкаваць «кніжныя імяніны».
У рамках Тыдня чытання ва ўсіх бібліятэках раёна праходзяць тэматычныя мерапрыемствы па прыцягненні падрастаючага пакалення да чытання ілітаратуры, праводзяцца сустрэчы з кнігай, дзіцячымі аўтарамі і казачнымі героямі. Дзяцей чакаюць кніжныя выставы, круізы і прэзентацыі. Работнікі бібліятэк адзначаюць: менавіта вясновыя канікулы – самы час адкласці ў бок любімыя гаджэты і пагартаць старонкі кнігі ці часопіса.
У дзіцячай бібліятэцы-філіяле напрацягу Тыдня дзіцячай кнігі аб’яўлена дабрачынная акцыя «Падары кнігу бібліятэцы». Прыняць удзел у ёй можа кожны жадаючы, а менавіта падзяліцца сваімі кнігамі, калі яны ўжо непатрэбныя, з іншымі чытачамі.
Святлана МАГІЛЕЎЧЫК.
Фота аўтара.
