Правапарушальніку – папярэджанне

Сярод асноўных змяненняў КаАП – увядзенне прафілактычных і папераджальных мер.

У мэтах папярэджання новых адміністрацыйных правапарушэнняў могуць быць выкарыстаны наступныя прафілактычныя меры: вусная заўвага, папярэджанне, меры выхаваўчага ўздзеяння.

Меры выхаваўчага ўздзеяння выкарыстоўваюцца ў дачыненні да непаўналетніх, якія зрабілі адміністрацыйныя правапарушэнні.

Так, пры вызваленні непаўналетняга ад адміністрацыйнай адказнасці ў мэтах выхавання да яго могуць прымяняцца: растлумачэнне заканадаўства; прынясенне выбачэнняў пацярпеламу; абавязак загладзіць прычыненую шкоду; абмежаванне вольнага часу.

Новым КаАП прадугледжаны падзел усіх адміністрацыйных правапарушэнняў на 3 катэгорыі: адміністрацыйныя праступкі, значныя і грубыя адміністрацыйныя правапарушэнні.

Праступкамі з’яўляюцца правапарушэнні, за якія накладаецца адміністрацыйны штраф. Памеры такога штрафу для фізасобы – ад 10 бв, індывідуальнага прадпрымальніка – ад 25 бв, арганізацыі – ад 50 бв і больш.

Значныя — правапарушэнні, за якія накладаюцца канфіскацыя, дэпартацыя альбо штраф. Для фізасоб ён складзе больш за 10 бв, ІП — 25 бв і больш, арганізацыі — ад 50.

За грубыя правапарушэнні накладаюцца такія спагнанні, як грамадскія работы, адміністрацыйны арышт, пазбаўленне права займацца пэўнай дзейнасцю, паўторнае ўчыненне іх на працягу года прадугледжвае крымінальную адказнасць.

Дзмітрый ПАЎЛОВІЧ,
начальнік РАУС.

Print Friendly, PDF & Email