Темы

Захаваць наш агульны дом для будучых пакаленняў

Захаваць наш агульны дом для будучых пакаленняў

З мэтай прыцягнення ўвагі грамадскасці да праблем мірнага суіснавання людзей і прыроды штогод 5 чэрвеня адзначаецца Сусветны дзень аховы навакольнага асяроддзя, устаноўлены ААН. Берагчы прыроду – задача кожнага з нас. Але ёсць службы, для якіх рашэнне экалагічных праблем з’яўляецца сферай іх прафесійнай дзейнасці. У нашым раёне гэта інспекцыя прыродных рэсурсаў і аховы навакольнага асяроддзя, якую ўзначальвае Юрый СІМАНАЎ. Напярэдадні чарговай «зялёнай» даты карэспандэнт райгазеты пагутарыла аб дзейнасці райінспекцыі.

– Юрый Пятровіч, раскажыце, калі ласка, чым займаюцца раённыя эколагі?

– Галоўнай задачай райінспекцыі ПРіАНА з’яўляецца вырашэнне пытанняў, звязаных з захаваннем і памнажэннем прыродных багаццяў на тэрыторыі нашага раёна. Гэта рацыянальнае выкарыстанне нетраў, водных рэсурсаў, захаванне драўнінна-хмызняковай расліннасці, глебы. Таксама адна з найважнейшых задач – кантроль за абарачэннем і выкарыстаннем цвёрдых бытавых адходаў і адходаў вытворчасці. У цэлым, мы садзейнічаем дзяржаўнаму кантролю за выкананнем прыродаахоўнага заканадаўства. Райінспекцыя каардынуе дзейнасць усіх зацікаўленых структур у сферы забеспячэння экалагічнай бяспекі і аховы навакольнага асяроддзя, інфармуе аб стане і прымаемых мерах па яго ахове і аздараўленні. Мы наведваем арганізацыі, прадпрыемствы і сельсаветы раёна з праверкай экалагічнай сітуацыі, арганізуем рэйды па выяўленні парушальнікаў прыродаахоўнага заканадаўства і праводзім тэматычныя акцыі.

– Якім чынам ажыццяўляецца кантроль за выкананнем прыродаахоўнага заканадаўства?

– Калі гаварыць у лічбах, то за бягучы год інспекцыяй было праведзена 34 маніторынгі юрыдычных асоб і індывідуальных прадпрымальнікаў, 15 выбарачных праверак і 26 мерапрыемстваў тэхнічнага характару, па выніках якіх былі складзены і выдадзены адпаведныя рэкамендацыі аб ліквідацыі парушэнняў прыродаахоўнага заканадаўства. А ўсяго ў ходзе ажыццяўлення кантрольнай дзейнасці складзена 19 пратаколаў аб адміністрацыйных правапарушэннях з агульнай сумай штрафаў 8468 рублёў.

– Якія тыповыя парушэнні выяўляюцца ў вашай дзейнасці?

– Парушэнні сустракаюцца рознага характару. Асноўныя звязаны з невыкананнем правіл абыходжання з адходамі, забруджваннем водных аб’ектаў, земляў і лясоў. Незаконныя вырубкі, размяшчэнне адходаў у несанкцыянаваных месцах і засмечванне імі земляў ляснога фонду, зліў каналізацыйных адходаў на прылеглыя тэрыторыі, парушэнне парадку збору і нарыхтоўкі другарадных лясных рэсурсаў – гэтыя і шэраг іншых праблемных момантаў рэгулярна з’яўляюцца ў полі нашага зроку.

– Юрый Пятровіч, якія змены адбыліся за апошнія гады ў раёне ў плане навядзення парадку на зямлі, паляпшэння якасці пітной вады?

– Праведзена значная работа па арганізацыі вывазу бытавых адходаў у сельскіх населеных пунктах і заключэнні дамоў з насельніцтвам на аказанне паслуг па вывазе ад жылых дамоў цвёрдых бытавых адходаў. У сельскіх населеных пунктах устаноўлены кантэйнеры для смецця. Пэўныя зрухі адбыліся ў навядзенні парадку на могілках.

Хоць праблема несанкцыянаваных звалак цалкам не вырашана, колькасць іх значна зменшылася.

Праца па навядзенні парадку праведзена і на сельскагаспадарчых тэрыторыях і аб’ектах.

Вялікай экалагічнай бяды, напрыклад, атрымалася пазбегнуць дзякуючы сумесным намаганням нашай райінспекцыі і райвыканкама. У 1980-я гады ў раёне быў пабудаваны комплекс для БРЖ у аг. Галоўчын. Там прысутнічаў гідразмыў. Для захоўвання гною прадугледжваліся тры ямы, якія раней рэгулярна ачышчалі. Пазней гэтую арганіку не паспявалі вывезці і гной патрапіў у раку Вабіч. Кіраўніцтва раёна неаднаразова спрабавала вырашыць гэтую праблему. І толькі ў гэтым годзе за праблему ўзяліся ўшчыльную і на сённяшні дзень на тэрыторыі комплекса праводзіцца рэкультывацыя забруджанай мясцовасці. Гэта вельмі вялікі крок.

– Экалагічнае выхаванне і асвета – гэта таксама адзін з кірункаў прыродаахоўнай дзейнасці?

– Я б сказаў, адзін з галоўных. Бо аднымі забаронамі і пакараннямі праблему аховы навакольнага асяроддзя не вырашыць. Толькі калі кожны будзе лічыць сваім абавязкам зберагчы тое, што дадзена нам прыродай, прызнае і сябе адказным за будучыню нашай зямлі, мы зможам захаваць наш агульны дом для нашчадкаў.

– Юрый Пятровіч, з якім настроем сустракаеце прафесійнае свята і што хацелася б данесці да жыхароў нашага рэгіёну?

– Я лічу, што Сусветны дзень аховы навакольнага асяроддзя – добрая нагода задумацца, чым кожны з нас можа дапамагчы прыродзе. Гэта падстава нагадаць насельніцтву, што ахова прыроды і рацыянальнае выкарыстанне яе рэсурсаў – адна з самых актуальных праблем сучаснасці. Магчыма, хто-небудзь пачне правільна сартаваць смецце, пасадзіць новае дрэва на месцы высечанага. Толькі сумеснымі сіламі мы можам зрабіць наш куточак зямлі чыстым і прыгожым.

Гутарыла Аліна ЦЫГАНІЙ.
Фота аўтара.
 

Последние новости

Культура

Сегодня прошла творческая встреча с нашим знаменитым земляком писателем-юмористом Николаем Подобедом

29 марта 2024
80 лет освобождения Беларуси от немецко-фашистских захватчиков

Утверждена эмблема 80-летия освобождения Беларуси от немецко-фашистских захватчиков

29 марта 2024
Официально

ФСЗН разъяснил о праве на пособия в повышенном размере – только при фактическом проживании  на территории  радиоактивного загрязнения

29 марта 2024
Общество

Прокурор Белыничского района рассказал об изменениях в законодательстве о государственных закупках

28 марта 2024
Выборы 2024

ЦИК Беларуси зарегистрировал кандидатами в члены Совета Республики 56 человек

28 марта 2024
Новости Беларуси

Минприроды предлагает 30 марта принять участие в международной экологической акции “Час Земли”

28 марта 2024
Новости района

Соревнования по мини-футболу в рамках проекта «Мой школьный футбольный клуб» прошли на базе СШ №2

27 марта 2024
Новости Беларуси

Размер суточных для служебных командировок в пределах Беларуси повышается до 12 рублей в сутки

26 марта 2024
Всебелорусское народное собрание

Ирина Фурсова и Николай Даречкин выдвинуты кандидатами в делегаты Всебелорусского народного собрания

26 марта 2024
Новости района

Белыничанин Никита Калистратов стал победителем Гранд-финала 13-го сезона проекта «100 идей для Беларуси»

25 марта 2024

Рекомендуем

Выборы 2024

Алексей Кушнаренко выдвинут кандидатом в члены Совета Республики

18 марта 2024
Новости района

Широко и весело прошли масленичные гулянья в агрогородке Вишов

16 марта 2024
Актуально

Группа по гражданству и миграции проведет выездной прием граждан

18 марта 2024
Главное

Митинг-реквием, посвященный Дню памяти сожженных деревень, прошел на мемориальном комплексе «Стефаново»

21 марта 2024
Новости района

В Белыничском районе проходит день информирования

21 марта 2024
Новости района

В Белыничском лесхозе прошел республиканский пресс-тур по подготовке системы лесного хозяйства района к пожароопасному периоду

21 марта 2024
Главное

Александр Лукашенко вручил госнаграды депутатам и сенаторам

21 марта 2024
Выборы 2024

Игорь Карпенко: избранный депутатский корпус представляет весь срез белорусского общества

22 марта 2024