Звароты грамадзян не застаюцца без увагі
Днямі карэспандэнт раённай газеты пагутарыла з начальнікам аддзела па рабоце са зваротамі грамадзян і юрыдычных асоб райвыканкама Таццянай МЯКШЫНАЙ.
– Таццяна Уладзіміраўна, у чым Ваш асноўны абавязак як кіраўніка дадзенага аддзела?
– Дзяржаўная ўлада заўсёды стаіць на баку інтарэсаў сваіх грамадзян, а таму я, як непасрэдны яе прадстаўнік, павінна садзейнічаць забеспячэнню правоў нашых людзей. Арганізацыя своечасовага і правільнага разгляду пісьмовых, вусных і электронных зваротаў, непасрэднае кіраўніцтва і ўдасканаленне арганізацыі работы па зваротах грамадзян пры выдачы даведак і іншых дакументаў на аснове заяўнага прынцыпу «адно акно» – гэта толькі некалькі асноўных накірункаў дзейнасці. Дарэчы, апошні вельмі запатрабаваны ў насельніцтва нашага раёна.
– У такім выпадку, расскажыце, як працуе служба «адно акно» райвыканкама, дзейнасць якой таксама ў Вашай кампетэнцыі.
– Наша служба займаецца выкананнем адміністрацыйных працэдур згодна Указа Прэзідэнта №200 «Аб адміністрацыйных працэдурах, што ажыццяўляюцца дзяржаўнымі органамі і іншымі арганізацыямі па заявах грамадзян» і Пастановы Саўміна Беларусі №159 «Аб зацвярджэнні адзінага пераліку адміністрацыйных працэдур, якія здзяйсняюцца дзяржаўнымі органамі і іншымі арганізацыямі ў адносінах да юрыдычных асоб і індывідуальных прадпрымальнікаў». Гэта значыць, што праз нас людзі вырашаюць свае пытанні жыццядзейнасці. Да прыкладу, толькі за першы квартал бягучага года службай «адно акно» райвыканкама прынята 892 заявы ад фізічных асоб па 52 адміністрацыйных працэдурах і 92 – ад юрыдычных асоб і індывідуальных прадпрымальнікаў па 7 працэдурах. Адзначу, што агульная колькасць адміністрацыйных працэдур, якія выконваюцца ў нас, на сённяшні дзень складае 183 (130 – для фізічных асоб і 53 – для юрыдычных асоб і ІП).
– Таццяна Уладзіміраўна, нагадайце, калі ласка, алгарытм звароту ў службу «адно акно»?
– Наша служба знаходзіцца на першым паверсе памяшкання райвыканкама па адрасе: г. Бялынічы, вул. Савецкая, 29. Працуем мы без перапынку ў панядзелак з 8.00 да 20.00, з аўторка па пятніцу рэжым работы з 8.00 да 17.00. Таксама прапаноўваецца паслуга папярэдняга запісу на прыём па тэлефоне 78-772 па пытаннях выканання адміністрацыйных працэдур.
Дзейнічае адзіны даведачна-інфармацыйны нумар па аказанні кансультатыўнай дапамогі па названых
вышэй пытаннях – 142.
Гутарыла Наталля БАРОДЗЬКА.