Успамінаць балюча, але неабходна
22 чэрвеня на тэрыторыі раёна прайшлі памятныя мерапрыемствы, прысвечаныя 80-годдзю пачатку Вялікай Айчыннай вайны.
Каля брацкай магілы на Алеі герояў у Ліпавым гаі адбыўся мітынг-рэквіем з урачыстым ускладаннем кветак і Усебеларускай хвілінай маўчання. Удзел у ім прынялі старшыня райвыканкама Васіль ЗАХАРЭНКА, яго намеснікі, а таксама прадстаўнікі працоўных калектываў раёна.
Таксама адначасова з правядзеннем дадзенай акцыі ў арганізацыях і прадпрыемствах Бялыніччыны прайшлі выхаваўчыя гадзіны з праслухоўваннем радыёгазеты. І хвіліна маўчання для ўсіх была ў адзін час.
Мітынг-рэквіем, прысвечаны Дню памяці і смутку,адбыўся і ў в. Вослеўка, падчас якога актывісты РК ГА «БРСМ»: вучні Машчаніцкай СШ, байцы студатрада «Бліскавіца» імя Героя Савецкага Саюза Б.Л. Хігрына і першы сакратар райкама Марына ШАБУСАВА ўсклалі кветкі да помніка воінам-артылерыстам.
– 80 гадоўмінула састрашнага дня 22 чэрвеня 1941 года. Той летняй раніцай, у адно імгненне, наша Радзіма згуртавалася і ўстала на барацьбу з лютым ворагам, – адзначыла Марына Віктараўна. –Падзей страшней, чым Вялікая Айчынная вайна, не ведае гісторыя нашай краіны. Але, нягледзячы ні на што, нашы прадзеды перамаглі. І мы павінны захаваць у памяці подзвіг гэтых людзей. Вечная слава тым, хто аддаў жыццё за Радзіму. Слава і нізкі паклон ветэранам Вялікай Айчыннай вайны.
Затым удзельнікі ўсклалі кветкі да месца бою з фашысцкімі танкамі савецкага артдывізіёна пад камандаваннем Барыса Хігрына, які праходзіў каля вёскі Вослеўка 5 ліпеня 1941 года. За свой подзвіг пры абароне падыходаў да Бялынічаў Барысу Хігрыну было прысвоена званне Героя Савецкага Саюза пасмяротна.
Наталля БАРОДЗЬКА.
Фота аўтара.