Час выбраў нас!

З 21 па 27 чэрвеня ў нашым раёне праходзяць мерапрыемствы, прымеркаваныя да Дня моладзі. На працягу тыдня ва ўсіх установах адукацыі, арганізацыях і прадпрыемствах ладзяцца конкурсы, спаборніцтвы, чэленджы, дзе актыўны ўдзел прымае маладое пакаленне.

21 чэрвеня – дзень здароўя і спорту «ЗдОрава! ЗдАрова!». Яшчэ з раніцы на базе ФАКу «Друць» прайшла спартландыя «Мы выбіраем ЗЛЖ», а ў  СШ №2 – спаборніцтвы па футболе. На раённым узроўні на гарадскім стадыёне быў дадзены старт легкаатлетычнаму маладзёжнаму забегу «На старт, моладзь!», удзел у якім прынялі прадстаўнікі прадпрыемстваў і арганізацый раёна. У агульнакамандным заліку перамогу атрымалі працаўнікі ПМК №241, на другім месцы – аддзел па адукацыі райвыканкама, на трэцюю прыступку п’едэстала гонару ўзнялася каманда жылкамгаса. Сярод дзяўчат перамогу святкавала Дар’я ЦАПІК (аддзел па адукацыі райвыканкама), сярод хлопцаў – Аляксандр КАСТРОЎ (РАНС).

Наталля БАРОДЗЬКА.

Фота аўтара.

Print Friendly, PDF & Email