Праверылі сістэму ЖКГ Крычаўшчыны

Вынікі кантролю функцыянавання сістэмы жыллёва-камунальнай гаспадаркі Крычаўскага раёна разгледжаны на пасяджэнні калегіі Камітэта дзяржкантролю Магілёўскай вобласці.

Калегіяй адзначана, што ў сферы ЖКГ рэгіёна дапускаюцца шматлікія парушэнні заканадаўства.

Кантралёры выявілі незаконнае атрыманне Крычаўскім УКВП «Камунальнік» сродкаў раённага бюджэту ў агульнай суме больш за 190 тыс. рублёў, шматлікія выпадкі неэфектыўнага выкарыстання дзяржаўнай маёмасці, паліўна-энергетычных і другасных матэрыяльных рэсурсаў, прымяненне непавераных прыбораў уліку цяпла і іншыя парушэнні і недахопы.

Па выніках кантролю 18 работнікаў камунальнай службы раёна прыцягнуты да адміністрацыйнай і дысцыплінарнай адказнасці.

Алег СТРЫГУН,

намеснік старшыні Камітэта дзяржкантролю

Магілёўскай вобласці.

Print Friendly, PDF & Email