У СВК «Калгас «Радзіма» працягваецца паступовая рэканструкцыя аб’ектаў жывёлагадоўчай галіны. Чарговая з іх закранула малочна-таварную ферму ў вёсцы Лямніца.
Большую частку года асноўнай крыніцай прыбытку сельгаспрадпрыемстваў з’яўляецца менавіта жывёлагадоўля. У адрозненне ад кароткага часу вырошчвання сельгас культур, малако і мяса вырабляюцца круглы год, і таму ад ста більнай працы жывёлагадоўчай галіны залежыць вельмі і вельмі шмат.
АФІЦЫЙНА
З пачатку мінулага года з мэтай вырашэння кадравай праблемы ўжывёлагадоўчай галіне і нарошчвання вытворчасці малака ў раёнах Магілёўскай вобласці праводзіцца палітыка закрыцця маленькіх жывёлагадоўчых ферм і пераводу жывёлы і людзей на вялікія малочна-таварныя комплексы з сучасным абсталяваннем і атрыманнем прадукцыі ў даільных залах. Па інфармацыі камітэта па сельскай
гаспадарцы і харчаванні аблвыканкама, такая работа поўнасцю праведзена на пачатак 2022 года ў Крычаўскім раёне і на працягу года паэтапна праводзілася ў іншых.
– У нашым сельгаскааператыве было прынята рашэнне вывесці з эксплуатацыі Вішоўскую ферму, якая ўжо састарэла і не адпавядала сучасным патрабаванням, – распавёў намеснік старшыні па жывёлаводстве Андрэй БАГДАНОВІЧ. – Падыходзячая пляцоўка для будучага комплексу знайшлася ў Лямніцы. Там дзейнічае таксама і ферма, дзе на дарошчванні стаяць цялушкі, з якіх пасля асемянення фарміруецца дойны статак гаспадаркі. Для іх пабудаваны некалькі хлявоў па малазатратнай тэхналогіі з месцамі для выгулу па тыпу, як у вёсцы Саглассе. А пад комплекс выдаткаваны хлявы,
пабудаваныя раней, праведзена іх маштабная рэканструкцыя, узведзены цялятнік, памяшканне для адпачынку працаўнікоў, абсталявана сучасная даільная зала і камеры для захоўвання малака.
Падрабязны матэрыял чытайце ў раённай газеты ад 14 студзеня 2023 года.
