Днямі членамі раённай пастаянна дзеючай камісіі па арганізацыі сістэмнага кантролю за харчаваннем навучэнцаў – памочнікам урача-гігіеніста раённага цэнтра гігіены і эпідэміялогіі Надзеяй МАРКАВАЙ і інжынерам-тэхнолагам цэнтра па забеспячэнні дзейнасці бюджэтных арганізацый Аленай СЯЛІЦКАЙ праведзена пазапланавае абследаванне буфетаў райспажыўтаварыства, якія дзейнічаюць у агульнаадукацыйных школах райцэнтра.
– Патрабаванні да асартыменту прадукцыі, якая рэалізуецца ў школьных буфетах, рэгламентаваны сані тарнымі нормамі і правіламі, якія зацверджаны Пастановай Міністэрства аховы здароўя №206 ад 27 снежня 2012 года, – адзначыла Надзея Маркава. – І яны павінны выконвацца. Неабходна, каб асартымент адпавядаў прынцыпам здаровага і бяспечнага харчавання. У буфеце школы дазволена рэалізацыя бутэрбродаў і халодных закусак, кісламалочных прадуктаў, садавіны, сухіх злакавых сняданкаў, сокаў, пітной вады. А вось на рэалізацыю кандытарскіх вырабаў і прысмакаў распа ў сюджваюцца некаторыя абмежаванні – іх можа быць не больш за 10 найменняў. Жавальныя цукеркі і гумкі, чупа-чупсы, чыпсы, сухарыкі і падобная харчовая прадукцыя не падыходзіць для харчавання дзяцей школьнага ўзросту, таму што не адпавядае прынцыпам здаровага харчавання. Што тычыцца смажанак, сасісак у цесце, піц, то ў школьным буфеце іх прадаваць можна, але не часцей двух разоў на тыдзень.
Праверка выявіла, што ў асартыментным пераліку буфета СШ №2 у большасці сваёй ўлічаны патраба ванні санітарных нормаў і правілаў. Аднак мелі месца і факты рэалізацыі забароненай прадукцыі. Прадавалі ся жавальныя цукеркі, сухарыкі з густам шашлыка.
Падрабязны матэрыял чытайце ў раённай газеты ад 18 студзеня 2023 года.
