НА АСНОВЕ ЗАЯЎЛЯЛЬНАГА ПРЫНЦЫПУ

Як абслугоўваючая арганізацыя, БУКП “Жылкамгас” усю сваю дзейнасць будуе на стасунках з людзьмі, тымі ж грамадзянамі, запыты якіх прадпрыемства і абслугоўвае. Невыпадкова ва ўсіх службах і вытворчых падраздзяленнях у абавязковым парадку забяспечваецца сістэматычны аналіз арганізацыі работы са зваротамі грамадзян. Дэбюракратызацыя апарату кіравання – адна з надзённых задач. Таму на прадпрыемстве ўведзена нават пасада інспектара па зваротах грамадзян. Любое пытанне, якое ўзнікае ў паўсядзённай практыцы, разглядаецца непасрэдна дырэктарам Віктарам Івулёвым або начальнікамі службаў і аператыўна вырашаецца.

На інфармацыйным стэндзе прадпрыемства фіксуюцца і неадкладна аналізуюцца ўсе звесткі не толькі вытворчага, але і бытавога характару. Для інфармавання непасрэдна грамадзян аб магчымасцях заяўляльнага прынцыпу “адно акно” мы выкарыстоўваем тры інфармацыйныя стэнды. Па-першае, гэта звесткі аб парадку аплаты насельніцтвам жыллёва-камунальных паслуг. Па-другое, аб умовах прадастаўлення грамадзянам безнаяўных жыллёвых субсідый. Па-трэцяе, агульная інфармацыя.

Што ж канкрэтна нясе ў сабе стэндавая інфармацыя? Гэта спіс адміністратыўных працэдур згодна Указа Прэзідэнта Рэспублікі Беларусь №152, якія тычацца непасрэдна БУКП “Жылкамгас”. У абавязковым парадку прыводзіцца пералік паслуг, якія аказваюцца насельніцтву па прынцыпу “адно акно”. Даступна выкладзены тарыфы на камунальныя паслугі. Тут жа – пералік дадатковых паслуг, якія прадпрыемства аказвае насельніцтву і юрыдычным асобам. Да кожнага кліента даведзены парадак аплаты жыллёва-камунальных паслуг, тарыф за тэхнічнае абслугоўванне і капітальны рамонт, парадак разлікаў, інфармацыя аб існуючых тарыфах, пералік ільгот і г.д.

Усе жыццёвыя сітуацыі пралічыць практычна немагчыма. Таму любую дадатковую інфармацыю можна атрымаць непасрэдна ў “адным акне”. Яна прадастаўляецца грамадзянам па першаму ж патрабаванню.

Дакладна захоўваецца графік прыёму грамадзян дырэктарам прадпрыемства, а таксама, уключаючы суботнія дні, службай “адно акно”. Кніга заўваг і прапаноў знаходзіцца ў прыёмнай дырэктара і прад`яўляецца па першаму ж патрабаванню наведвальнікаў. Кнігі скаргаў і прапаноў ёсць і непасрэдна на ўчастках, якія звязаны з абслугоўваннем грамадзян. Гэта, напрыклад, лазня, гасцініца.

Сёлета былі праведзены два семінары з адказнымі асобамі, якія непасрэдна займаюцца пытаннямі работы са зваротамі грамадзян.

Віталь МАРОЗАЎ,
намеснік дырэктара БУКП “Жылкамгас”
па ідэалагічнай рабоце.