У Прыдруцкім краі пражываюць 6748 ветэранаў. 67 з іх удзельнікі і 31 – інваліды Вялікай Айчыннай вайны, 62 – воіны-інтэрнацыяналісты, 8 – работнікі тыла, 87 – вязні фашысцкіх канцлагераў, 2 – блакаднікі, 3 – ветэраны Узброеных Сіл і праваахоўных органаў, астатнія – ветэраны працы. Аб іх сацыяльнай абароне, паляпшэнні матэрыяльнага становішча, жыллёвых умоў, гандлёвага, бытавога, медыцынскага, культурнага і іншых відаў абслугоўвання клапоціцца раённая арганізацыя Беларускага грамадскага аб’яднання ветэранаў, якую ўзначальвае Яўген Чарнякоў. Сёння ён госць нашай рэдакцыі.

>>

Здаровы лад жыцця… Для некаторых спалучэнне гэтых трох слоў – дэвіз на ўсё жыццё. Пільна сачыць за здароўем, пазбавіцца дрэнных звычак, рабіць усё для таго, каб радавацца кожнаму дню. А для іншых гэты выраз — пусты гук. Як кажуць у народзе: “У адно вуха ўляцела, а ў другое вылецела”. Яны, тыя іншыя, штодня “прыкладаюць намаганні”, каб скараціць сваё жыццё на хвіліны, гадзіны, дні: шмат кураць, п’юць не ў меру, ужываюць наркатычныя рэчывы.

>>