1070 тон алейнага зерня рапсу і 900 – збожжа вызначана дзяржзаказам для ААТ “Новая Друць”. Сканцэнтраваўшы ўласную тэхніку ва ўборачна-транспартным атрадзе, пастаўку зерня на дзяржаўныя прыёмныя пункты тут ажыццяўляюць, у асноўным, транспартам іншых суб’ектаў аграпрамысловага комплексу раёна. Адзін з лепшых шафёраў ААТ “Райаграпрамтэхзабеспячэнне” Міхаіл Ігнатовіч, напрыклад, штодзень з Вялікамашчаніцкага збожжатока ажыццяўляе  жніўныя рэйсы ў Магілёў, Талочын, Бабруйск. “МАЗ-555-102” з прычэпам Міхаіл Цярэнцьевіч заўсёды трымае ў добрым тэхнічным стане, з акуратна загерметызаваным кузавам. Вось і на гэты раз аўтамабіль гатовы ў рэйс на Талочын. Прыкрыты тэнтам каштоўны груз без страт будзе дастаўлены па прызначэнні.

На здымку: вопытны вадзіцель Міхаіл Ігнатовіч адпраўляецца ў адказны рэйс у добрым настроі.

Фота Васіля ДЗЕРАВЯШКІ.