У Запарожжы (Украіна) праходзіла ініцыіраваная Еўрапейскай федэрацыяй гандболу атэстацыя арбітраў. Сертыфікаты, якія даюць права абслугоўваць афіцыйныя сустрэчы міжнароднага ўзроўню, спрабавалі атрымаць судзейскія пары з 6 краін далёкага і блізкага замежжа.

Прыемна, што беларускія рэферы Сяргей Кулік і Дзмітрый Набокаў (дарэчы, абодва бялынічане) паспяхова здалі ўсе экзамены і, адсудзіўшы матчы праходзіўшага тут турніра “Кубак Дняпра”, удастоіліся станоўчых ацэнак. А галоўнае – аказаліся сярод чатырох брыгад, якія папоўнілі спіс гандбольных суддзяў міжнароднай катэгорыі.

Адпаведныя дакументы ім уручаць напрыканцы верасня, пасля чаго ім застанецца толькі чакаць прызначэнняў на матчы высокага рангу.

Сёння ў Беларусі міжнароднай катэгорыяй валодаюць тры мінскія пары рэферы. Чацвёртай стала наша, бялыніцкая, з чым  мы шчыра віншуем нашых землякоў.

(Наш кар.)