У першую чаргу ў цэнтры ўвагі суб’ектаў прафілактыкі знаходзяцца домаўладанні катэгарыраваных і сацыяльна неабароненых грамадзян. У нашым раёне супрацоўнікі РАНС ставяць перад сабой мэту не толькі праверыць стан пячнога ацяплення, электраправодкі, але і нагадаць грамадзянам, як паводзіць сябе ў надзвычайных сітуацыях.

На гэты раз рэйдавая група наведала аг. Ланькаў. Супрацоўнік РАНС Юрый МАРОЗАЎ сумесна са старшынёй сельвыканкама Аляксандрам Шакуравым правялі абследаванне домаўладанняў грамадзян, якія злоўжываюць спіртнымі напоямі.

Пры правядзенні растлумачальнай працы асаблівая ўвага звярталася на стан ацяпляльных прыбораў, электраабсталявання, наяўнасць або спраўнасць аўтаномных пажарных апавяшчальнікаў. Усім жыхарам супрацоўнікі РАНС раздалі наглядную прадукцыю, якая нагадвае пра неабходнасць захавання правілаў бяспекі.

             Аліна ЦЫГАНІЙ.

             Фота аўтара.